Ef félagsmenn verða atvinnulausir ber viðkomandi að skrá sig hjá Vinnumálastofnun -Vinnumiðlun - höfuðborgarsvæðisins sem er staðsett að Engjateigi 11.
Mundu eftir að skrá þig sem fyrst hjá Vinnumiðlun svo þú tapir ekki réttindum.
Vinnumálastofnun ákvarðar rétt til  atvinnuleysisbóta og missi bóta.
Allar ákvarðanir Vinnumálastofnunar er hægt að kæra til úrskurðarnefndar atvinnuleysisbóta.

Hver er réttur þinn til atvinnuleysisbóta???

• Bótaréttur miðast við tryggingaskylda vinnu og starfshlutfall s.l. 12 mánaða tímabili 
  
• Hægt er að sækja um tekjutengdar atvinnuleysisbætur í þrjá mánuði eftir 10 daga frá umsókn.  Miðað er við 70% af meðaltali heildarlauna sex mánaða tímabils sem hefst tveim mánuðum fyrir umsókn. Efir þriggja mánaða tekjutengingu  greiðast grunnatvinnuleysisbætur
  
• Lágmarksbótaréttur miðast við 25% starf í þrjá mánuði og hámarskbótaréttur  100% starf  í 12 mánuði.
  Atvinnuleysisbætur eru greiddar fyrir alla daga, nema laugardaga og sunnudaga.
  
• Atvinnuleitandi sem hefur áunnið sér lágmarksbótarétt og hefur að auki lokið námi sem hefur staðið yfir í a.m.k sex mánuði fær námið metið sem 13 vikna vinnuframlag.
  
• Að uppfylltum ákveðnum skilyrðum skerðist bótaréttur ekki þó að atvinnuleitandi hverfi af vinnumarkaði í allt að 24 mánuði. Námsmenn geta geymt bótaréttinn sinn í allt að 36 mánuði
  
• Atvinnuleitendur sem eru í hlutastarfi og fá greiðslur frá Tryggingastofnun og lífeyrisjóðum þ.m.t. séreignasjóðum  þurfa að skila inn afrit af  launa-og greiðsluseðlum mánaðarlega  og  upplýsingum um fengnar fjármagnstekjur.
  
• Hvert bótatímabil er 3 ár. Nýtt bótatímabil getur ekki  hafist fyrr en að liðnum 24 mánuðum frá  því að fyrra bótatímabili lauk. Til að öðlast bótarétt að nýju verður viðkomandi að hafa unnið að.m.k. í sex mánuði  frá því að fyrra tímabili lauk.
  
• Ef umsækjandi er yngri en 18 ára þarf samþykki foreldris eða forráðamanns
  
• Atvinnuleysisbætur eru greiddar út fyrsta virkan  dag í mánuði.
  
• Greiðslutímabil atvinnuleysisbóta er frá 20.-19. hvers mánaðar.

Mjög mikilvægt  er að tilkynna strax til Vinnumálastofnunar  um leið og avinnuleitendur hafa fengið vinnu, vinnfærni skerðist af heilsufarsástæðum eða er sannanlega hættur  virkri atvinnuleit.