Um faghóp félagsliða

Faghópur félagsliða var stofnaður í maí 2005.  Faghópurinn er opinn öllum þeim sem hafa lokið eða eru í námi félagsliða  og eru starfandi eftir kjarasamningum Eflingar-stéttarfélags.
Félagsliðar innan Eflingar-stéttarfélags eru nú ríflega 230 manns og yfir 60 eru í félagsliðanámi.  Um helmingur félagsliða starfa hjá Reykjavíkurborg og öðrum sveitarfélögum en það er jafn stór hópur sem vinnur á hjúkrunarheimilum og ýmsum sjálfseignarstofnunum.  Störf félagsliða eru mjög fjölbreytt  en stærsti hópurinn sinnir öldruðum bæði við heimaþjónustu og eins inni á hjúkrunarheimilum.  Einnig er ákveðinn hópur sem starfar með fötluðum.
Flestir félagsliðar Eflingar hafa útskrifast frá Mími símenntun en einnig hefur ákveðinn hópur útskrifast úr Borgarholtsskóla.
Þá býður Mímir í samvinnu við Eflingu, framhaldsnám bæði vegna Alzheimers og einnig nám um fötlun.
Félagsliðabrú fyrir erlenda starfsmenn hefur fengið mjög góðar viðtökur en námið er ætlað starfsmönnum við aðhlynningu og umönnun sem ekki hafa íslensku sem fyrsta mál. Þá þarf að hafa lokið gagnnámskeiðum I og II eða tekið samtals um 230 tíma á starfstengdum námskeiðum og hafa 3ja ára starfsreynslu eða meira.

 

                                                                     Ársfundur faghóps félagsliða

Framhaldsnám sem eflir fagvitund félagsliða

Áttundi ársfundur faghóps félagsliða var haldinn 29. mars síðast liðinn og voru Anna Gísladóttir og Guðný Brynjólfsdóttir kosnar nýjar í stjórn og fráfarandi stjórnarmönnum, Jenný Jensdóttur og Lilju Eiríksdóttur, þökkuð vel unnin störf.  Lilja las ársskýrslu faghópsins þar sem fram kom að mikilvægt væri að finna leiðir til að störf félagsliða væru meira metin, ekki síst þar sem að löggildingin væri ekki inni í myndinni.  Þá benti Lilja á að brýnt væri að störf félagsliða sem vinna í heimaþjónustu Reykjavíkurborgar færu í endurmat, þar sem að störfin hefðu tekið verulegum breytingum og félagslegi þátturinn spilaði stærra hlutverk en áður.

                                                                           Faghópur félagsliða

Ársfundur

Faghópur félagsliða í Eflingu-stéttarfélagi heldur sinn sjötta ársfund fimmtudaginn 29. mars 2012. Fundurinn verður haldinn í húsnæði Eflingar Sætúni 1 á 4. hæð og hefst kl. 18:00.

                                                                                 Nám í fötlunarfræðum mikilvæg viðbót við nám félagsliða

- segir Fanney Friðriksdóttir, félagsliði og stjórnarmaður í Eflingu

Í ársbyrjun 2011 var farið af stað með framhaldsnámskeið í fötlun fyrir félagsliða og tók það mið af miklum áhuga félagsliða að boðið yrði upp á framhaldsnám fyrir félagsliða. Með góðu samstarfi Eflingar og Mímis varð námið að veruleika og útskrifuðust 16 félagsliðar úr því námi síðastliðið vor. Það er skemmst frá því að segja að mikil ánægja var með þetta nám meðal félagsliða sem sóttu námið og töldu það kærkomna viðbót við félagsliðanámið, segir Fanney Friðriksdóttir félagsliði og stjórnarmaður í Eflingu.

                                                                                                                                               Úr námsferð félagsliðanema til Danmerkur á vegum Nordplus menntamálaáætlunar

Fræðslufundur Faghóps félagsliða

Góð samvinna allra fagaðila lykilatriði við umönnun aldraðra

Fræðslufundur var haldinn þann 8. nóvember síðast liðinn hjá faghópi félagsliða. Gríma Huld Blængsdóttir, heilsugæslulæknir í Mosfellsbæ flutti áhugavert erindi um hvernig tekið er á móti  þeim einstaklingum sem koma á heilsugæsluna í Mosfellsbæ þar sem grunur leikur á að viðkomandi sé með heilabilun. Þá var einnig sagt frá námsferð félagsliðanema af erlendum uppruna sem fóru til Danmerkur í síðasta mánuði á vegum Nordplus, menntamálaáætlunar.

                                                                                                           Félagsliðabrúin heillar

Fylgdumst að í þrjú ár

- segir Særún Ingvadóttir

Það var samheldni sem ég held að lýsi best þessum hópi enda hélt hann hópinn í heil þrjú ár, segir Særún Ingvadóttir sem var meðal nemenda hjá Mími-Símenntun sem útskrifuðust þann 28. apríl sl. úr námi sínu í félagsliðabrú. Hópurinn hefur haldist nánast óbreyttur frá því að hann byrjaði á fagnámskeiði I fyrir þremur árum. Ein í hópnum er Særún Ingvadóttir sem hefur unnið síðustu þrjú ár á opinni deild á Hrafnistu í Reykjavík.

                                                                                                                                     Fanney H. Friðriksdóttir, Harpa Andersen, Kristín Björnsdóttir, Jenný Jensdóttir og Lilja Eiríksdóttir eru í nýrri stjórn Faghóps félagsliða innan Eflingar.                                                                      

Ársfundur Faghóps félagsliða

Eden hugmyndafræðin spennandi kostur

Á sjötta ársfundi Faghóps Félagsliða kom fram að yfir þrjátíu ára aðragandi hefði verið að námi félagsliða og að starfsumhverfi þeirra væri í stöðugri framþróun.  Gísli Páll Pálsson, forstjóri hjúkrunarheimilisins í Mörkinni fjallaði um Eden hugmyndafræðina og hvernig til hefði tekist að innleiða stefnuna á nýtt hjúkrunarheimili í Mörkinni.  Þá fór Sigurður Bessason, formaður Eflingar yfir stöðuna í kjaramálum.

                                                                   Framhaldsnám um fötlun

Fróðlegt og skemmtilegt

- segir Vánía Kristín Leite Lopes

Hópur félagsliða sem tók þátt í fram-haldsnámi  um fötlun hjá Mími  símenntun útskrifaðist þann 2. febr-úar sl. Alls luku 16 nemendur nám-inu og var mikil ánægja meðal nemenda  með námið og jafnframt áhugi meðal félagsliða að komast á fleiri sérhæfð námskeið. Vánía Kristín Leite Lopes vinnur í búsetukjarna fyrir geðfatlaða í Austurbrún og féllst á að segja Eflingarblaðinu frá reynslu sinni af námskeiðinu.

Félagsliði – hvað er það ?

Starf okkar í heimaþjónustunni er fólgið í aðstoða fólk heima fyrir sem getur spannað allt frá litlu samtali til þess að gefa lyf eða augndropa, aðstoða við að baða, matast og klæðast.  Eins getum við þurft að sinna mjög erfiðum og alvarlegum geðrænum vandamálum en það er stór þáttur að vera til taks, spjalla og sýna manneskjunni áhuga sem einstakri persónu, sem margir hverjir hafa lifað tímana tvenna. Þetta er aðeins hluti af þeim verkefnum sem félagsliðar vinna.  Faghópur félagsliða hefur nú starfað  innan Eflingar á fjórða ár og teljum við mikilvægt að vekja athygli á störfum okkar. En það er fleira sem félagsliðar sinna og tengist fjölskylduaðstæðum eða vanda sem við er að glíma.