Úthlutunarreglur einstaklingsstyrkja hjá Starfsafli

Félagsmaður í Eflingu-stéttarfélagi, Verkalýðsfélaginu Hlíf eða Verkalýðs- og sjómannafélagi Keflavíkur og nágrennis sem unnið hefur samfellt síðustu 6 mánuði og greitt félagsgjöld á þeim tíma á rétt á stuðningi til símenntunar og/eða starfsnáms.  Endurgreitt er hlutfallslega fyrir fólk í hlutastörfum.

1. Við ákvörðun upphæðar styrkja er miðað við greidd félagsgjöld síðustu 12 mánaða. Félagsgjald af lágmarkslaunum í 100% starfi eða hærra gefur fulla styrkupphæð.
2. Fylla þarf út umsóknareyðublað og skila frumriti reiknings á skrifstofu viðkomandi stéttarfélags.  Umsókn þarf að berast viðkomandi stéttarfélagi innan 12 mánaða frá því að námi/námskeiði lauk. 
3. Áunnin réttindi félagsmanna innan Starfsafls og/eða Landsmenntar eða VR haldast óbreytt þrátt fyrir flutning á milli sjóða, samkvæmt nánari reglum.
4. Sá sem hverfur frá vinnu vegna veikinda, heimilisástæðna eða af öðrum gildum ástæðum heldur rétti sínum til styrks í allt að 24 mánuði.  Að 24 mánuðum liðnum, frá því hann hvarf af vinnumarkaði, fellur réttur hans niður. 
5. Foreldrar í fæðingar- eða foreldraorlofi geta nýtt sér áunnin rétt skv. 1. gr. ef þau velja að greiða stéttarfélagsgjöld á meðan á orlofi stendur.
6. Félagsmenn í atvinnuleit halda áunnum rétti sínum eins og hann var við starfslok ef þeir velja að greiða stéttarfélagsgjöld af atvinnuleysisbótum.

Umsóknareyðublað er hægt að nálgast hér

________________________________________

Upphæðir endurgreiðslu

Hámarksgreiðsla á ári er kr. 60.000,- fyrir almennt nám og lífsleikninámskeið samanlagt. 
 
Námskeið sem falla undir lífsleikni eru styrkt að hámarki kr.18.000,- á ári.
 
Félagsmenn eiga rétt á styrk vegna meiraprófs að upphæð kr. 100.000,- .
 
Félagsmenn sem ekki hafa íslensku sem móðurmál geta sótt um endurgreiðslu vegna íslenskukennslu eftir að hafa greitt til félagsins í 1 mánuð.
 
Starfstengt réttindanám: Félagsmenn sem ekki hafa nýtt sér rétt sinn síðustu þrjú ár eiga rétt á styrk allt að kr. 132.000,-  fyrir eitt samfellt námskeið samkvæmt nánari reglum sjóðsins.
 
Skólafélags-/nemendafélagsgjöld eru ekki endurgreidd né bókakostnaður.
 
Greiðslukvittun má ekki vera eldri en 12 mánaða. Tekið er við umsóknum til og með 20. hvers mánaðar og greitt er fyrsta virka dag í mánuði inn á bankareikning viðkomandi.
 
Aldrei er greitt meira en 75% af kostnaði við starfstengt- og almennt nám og 50% af lífsleikninámi (tómstundanámi).
 
Félagsmenn sem eru lesblindir eða eiga við lestrar-og ritörðugleika að stríða geta sótt um allt að 75% styrk vegna kaupa á hjálpartækjum til stuðnings við lestur og skrift.
 
Heildarstyrkur miðast við hámarksupphæð skv. almennum reglum sjóðsins eða kr. 50.000.
 
Munið að skila inn frumriti reiknings þegar þið sækið um styrk

 Allar upplýsingar má nálgast á heimasíðu Starfsafls