Breytingar á reglugerð sjúkrasjóðs

Sjúkrasjóður hækkar tekjuviðmið dagpeninga um 15% frá 1. maí 2012

Á aðalfundi Eflingar 26. apríl s.l. voru samþykktar ýmsar breytingar á reglugerð Sjúkrasjóðs.

Helstu breytingar voru:

• Hámarkstekjuviðmið við greiðslu dagpeninga þeirra sem hafa verið sjóðfélagar Sjúkrasjóðs lengur en  5 ár samfellt hækkaði frá 1. maí 2012 úr kr.350.000.- í kr. 402.000.-.
• Hámarkstekjuviðmið þeirra sem hafa skemmri aðild en 5 ár hækkaði úr kr. 280.000.- í kr. 322.000.-.
• Skerpt var á geymdum réttindum atvinnuleitenda og félagsmanna í fæðingarorlofi samkvæmt 10. gr. reglugerðarinnar. 
• Heiti 12. gr. reglugerðarinnar sem hét „Jóhönnu- og Vilborgarsjóður“ var breytt í „Styrktarsjóður Eflingar-stéttarfélags“
• Orðalag var lagað hér og þar
• 11. gr. B. um tímabil dagpeningagreiðslna var skipt upp í 8. töluliði og er því skýrari en áður var.