Efling stéttarfélag

Efling –stéttarfélag var stofnað í desember 1998 og tók til starfa um áramótin 1999. Félagið varð til við sameiningu Dagsbrúnar & Framsóknar-stéttarfélags við Starfsmannafélagið Sókn og Félag starfsfólks í veitingahúsum. Við sameininguna varð til næst stærsta stéttarfélag á landinu með um 14.000 félagsmenn. Félagið sameinaðist Iðju, félagi verksmiðjufólks í Reykjavík um áramótin 1999-2000.  Við það urðu félagsmenn um 16.000. Frá og með 1. janúar 2009 sameinaðist Verkalýðs- og sjómannafélagið Boðinn Eflingu-stéttarfélagið.  Þá voru félagsmenn í kringum 21.000 en hefur fækkað niður í um 18.500 í kjölfar efnahagshrunsins. Stærstu viðsemjendur félagsins eru Samtök atvinnulífsins, Reykjavíkurborg, Samtök fyrirtækja í heilbrigðisþjónustu, Fjármálaráðuneytið og Launanefnd sveitarfélaga. Skrifstofa félagsins er að Sætúni 1, og kennitala Eflingar er 701298-2259.

Lög Eflingar - stéttarfélags

Lög félagsins gera grein fyrir grundvallarþáttum í starfi félagsins. Þar er skilgreint nafn og tilgangur félagsins, starfssvæði þess (þau sveitarfélög sem Efling tekur til) og félagssvæði (starfsgreinar sem félagsmenn vinna við). Lög félagsins gera einnig grein fyrir réttindum og skyldum félagsmanna ásamt því að skýra uppbyggingu félagsins, boðleiðir og ákvörðunarvald. Þá er einnig skýrt í lögum félagsins hvernig kosningar skulu fara fram.

Smelltu hér til að sjá lög Eflingar - stéttarfélags