35 launkröfur upp á tæplega 21 milljón króna – Ársfjórðungsskýrsla Kjaramálasviðs komin út

8. 09, 2021

Ársfjórðungsskýrsla Kjaramálasviðs Eflingar fyrir tímabilið apríl – júní er komin út, en vegna sumarleyfa kemur hún út seinna en vaninn er.

Starfsfólk Kjaramálasviðs aðstoðaði Eflingarfélaga við 151 nýskráð mál sem er 15 fleiri en á síðasta fjórðungi. Af þeim einstaklingum voru 26% af pólskum uppruna og 35% af öðrum erlendum þjóðernum eða samanlagt 61% samanborið við 39% af íslenskum uppruna. Hlutföllin undirstrika vel þá þekktu staðreynd að verkafólk af erlendum uppruna verður frekar fyrir kjarasamningsbrotum en aðrir.

Heildarfjöldi launakrafna var 35 og af þeim var 1 vegna gjaldþrots fyrirtækis. Launakröfur í heild voru tæplega 20,6 milljónir og þar af rúmlega 2 milljónir í þrotabú.

Á sviðinu innheimtust þegar útsendar launakröfur fyrir 14 félagsmenn upp á samtals kr. 1.457.937.

Lögmenn félagsins innheimtu samtals 51 milljón króna fyrir 126 félagsmenn Eflingar á öðrum ársfjórðungi 2021. Af þeim voru 103 félagsmenn sem fengu tæpar 40 milljónir frá Ábyrgðarsjóði launa vegna gjaldþrota fyrirtækja.

Lesa skýrslu