Afpantanir og breytingar á leigusamningi
Fyrir breytingar á leigusamningi fyrir orlofshús er tekið bókunargjald að upphæð 1.500 kr. Ef leigutaki óskar eftir að skila inn eða breyta leigusamningi þarf að senda beiðni með tölvupósti á orlof@efling.is með upplýsingum um nafn og kennitölu leigutaka ásamt samningsnúmeri.
- Ef skilað er með meira en viku fyrirvara fæst full endurgreiðsla að frádregnu upphafsgjaldi. Endurgreitt er inná kort/reikning sem leigutaki greiddi með.
- Ef leigusamningi er skilað inn seinna (með innan við viku fyrirvara) og ekki næst að endurleigja eignina er ekki um neina endurgreiðslu að ræða.
Veður/ófærð
Komist leigutaki ekki í bústað vegna veðurs/ófærðar ber að senda tilkynningu um það áður en leigutími hefst með tölvupósti á netfangið orlof@efling.is Forsenda fyrir endurgreiðslu vegna veðurs er að Veðurstofan hafi gefið út viðvörun. Ferðalög til og frá orlofshúsum eru alfarið á ábyrgð leigutaka og Efling greiðir ekki kostnað sem leigutaki kann að verða fyrir vegna slæmra veðurskilyrða. Mikilvægt er að kynna sér veðurspá og færð á vegum áður en lagt er af stað.
- Endurgreitt er að fullu.
Veikindi
Senda þarf tilkynningu á netfangið orlof@efling.is áður en leigutími hefst og Orlofssjóði er jafnframt heimilt að fara fram á að leigutaki framvísi læknisvottorði.
- Endurgreitt er að fullu að frádregnu upphafsgjaldi.
Endurgreitt er inná kort/reikning sem leigutaki greiddi með.
Leiga er aldrei endurgreidd ef tilkynning berst eftir að leigutími hefst.