Orlofshús

Höfn í Hornafirði, Sauðanes

Austurland – Sumar

  • Ein vika33.000 kr
  • Ein helgi kr
  • Komutími 12:00
  • Brottför 16:00

Húsnæði

1 hús 140m2 6 herbergi 12 Rúm

Aðstaða

  • Sjónvarp
  • Gasgrill
  • Örbylgjuofn
  • Barnarúm
  • Barnastóll

Lýsing

Einbýlishús á tveimur hæðum á fallegum stað rétt fyrir utan Höfn í Hornafirði. Húsið er 140 fm. með 6 herbergjum, 5 á efri hæð og  1 á neðrí hæð. Eitt salerni er á efri hæð hússins og annað á neðri hæð. Einnig eru tvær sturtur í sér rýmum. Eldhús með litlum borðkróki og stofa á neðri hæð með tungusófa og sófaborði. Borðstofa í herbergi við hliðina á stofu með stóru borðstofuborði.

Gistirými er fyrir a.m.k. 12 manns, eitt hjónarúm 160 cm og svo í fimm herbergjum eru tvö einbreið rúm í hverju herbergi (öll 90 cm, nema tvö eru 80 cm í einu herbergi) og 2 aukadýnur. Sængur og koddar eru fyrir 12 manns og borðbúnaður fyrir a.m.k. 12 manns. Húsið er með öllum helsta búnaði: Sjónvarp, útvarp, ísskápur, bakarofn, örbylgjuofn, gasgrill og útihúsgögn. Öll ræstiefni og áhöld til þrifa eru til staðar. Það er hvorki heitur pottur né uppþvottavél.

Húsið er í einstaklega fallegu umhverfi og var áður sveitabær en rekið sem gistihús undanfarin ár. Það er staðsett við afleggjara með fleiri bæjum, rétt fyrir utan Höfn í Hornafirði, keyrt til austurs. Við afleggjarann er stórt, blátt skilti þar sem bæirnir eru merktir. Leitarorð á google er: Sauðanes Guesthouse.

Sjá skilmála

Upplýsingar
Lyklar: lyklabox er við útidyrahurð – lyklanúmer kemur fram á samningi.

ATH. GÆLUDÝR ERU BÖNNUÐ

Tenglar:
www.visitvatnajokull.is

www.south.is

Leiga
Vikuverð 33.000 kr.

Annað
Við Sauðanes eru fallegar gönguleiðir, hægt að ganga niður að sjó og meðfram fjörunni og önnur gönguleið frá húsinu liggur meðfram læk. Fjallið Vestrahorn er í sjónmáli frá Sauðanesi sem er vinsælt myndefni ljósmyndara. Í stuttu akstursfæri eru sandfjörur sem er mjög gaman að fara á í góðu veðri. Einnig er frábær útsýnisstaður 10 – 15 km. frá Sauðanesi, keyrt í gegnum Almannaskarðsgöng til austurs og beygt inn á afleggjara á vinstri hönd og upp Skarðsdalinn að útsýnispalli þar sem njóta má stórfenglegs útsýnis yfir jöklana, Höfn og sveitirnar. Verslun og þjónusta eru á Höfn í Hornafirði, 7-8 km frá, þar sem er m.a. upplýsingamiðstöð, mjög fín sundlaug og vinsælir veitingastaðir.

Ath. Hægt er að leigja lín í Efnalaug Dóru á Höfn.