Gallupkönnun

Sjö heppnir í Flóanum!

Vinningshafar hafa verið dregnir út í Gallupkönnun sem gerð var meðal félagsmanna Eflingar, Hlífar og VSFK í vor. Að þessu sinni fékk hver vinningshafi 25 þúsund krónur og eru hér nöfn þeirra heppnu:

Einar Örn Rafnsson Hlíf
Unnur Björg Kristjánsdóttir Eflingu
Þorbjörg S. Þorvarðardóttir Eflingu
Tryggvi Ingvason VSFK
Ingvar Vigur Halldórsson Eflingu
Svandís Hallsdóttir Eflingu
Ólafur Ingi Kristjánsson VSFK

Félögin óska vinningshöfum til hamingju og vilja þakka öllum þeim sem tóku þátt í að svara spurningum Gallup fyrir að leggja sitt af mörkum í þeirri vinnu sem framundan er í aðdraganda komandi kjarasamninga.

Bókað í dagsferðir mánudaginn 10.júní

Í dagsferð Eflingar að þessu sinni verða farnir slóðar  að Fjallabaki syðra.
Ferðadagsetningar eru 31. ágúst og 7. september
Minnum á að ferðalangar þurfa að hafa með sér nesti til dagsins, skjólgóðan fatnað og góða skó.
Lagt verður af stað stundvíslega kl. 8:15 frá húsnæði Eflingar, Sætúni 1.
Ferðinni lýkur með glæsilegu kaffihlaðborði milli kl. 17:00 -18:00 á Hellishólum í Fljótshlíð. Áætluð heimkoma er milli kl. 20:00-21:00.
Ferðin kostar 5.000 kr.

                                                                                          Útskrift félagsliða

Flott með húfu

Það var glaður hópur félagsliða sem útskrifaðist þann 16. maí sl. í hjá Mími enda hópurinn búinn að vera saman í námi síðan haustið 2011. Í fyrsta sinn settu allir nýútskrifaðir félagsliðar upp húfur og var frábært að sjá alla skarta sínu fegursta með húfu á kollinum. Félagsliðabrú er 32 eininga nám á framhaldsskólastigi sem kennt er á fjórum önnum.  Elfa Sif Jónsdóttir sem útskrifaðist með hópnum orti ljóð í tilefni dagsins sem hún samþykkti að deila með félagsmönnum Eflingar.

                                                                              Efling stéttarfélag stoltur aðili að verkefninu

„Allir öruggir heim“

-endurskinsvesti fyrir 6 ára börn

Slysavarnafélagið Landsbjörg, í samvinnu við Alcoa Fjarðarál, Dynjanda ehf, EFLA verkfræðistofu, Eflingu stéttafélag, HB Granda, Isavia, Landsvirkjun, Neyðarlínuna, Tryggingamiðstöðina, Umferðarstofu og Þekkingu, gáfu á dögunum öllum skólum á landinu endurskinsvesti til að nota í vettvangsferðum barna í 1. bekk. Um 4500 börn eru í árganginum á landinu öllu.  Vestin eru af vandaðri gerð og er það von þeirra sem að átakinu standa að þau nýtist skólunum næstu árin.

Efling stéttarfélag er stoltur aðili að verkefninu og er þema þess „Allir öruggir heim“ því öll eigum við rétt á því að koma örugg heim og  á það ekki síst við um þau sem eru að hefja skólagöngu sína.

Skapandi morgunn

Með trúnaðarmönnum Eflingar

Það var virkilega skapandi andi á morgunfundi trúnaðarmanna Eflingar á Grand Hótel í gær  þegar hátt í hundrað trúnaðarmenn Eflingar komu saman til að ræða hvernig hægt væri að efla starf trúnaðarmanna í félaginu. Eftir fjörugar umræður í hópstarfi  skutu trúnaðarmenn fram fjölmörgum góðum hugmyndum í loftið. Þeir vilja upprifjunarnám fyrir reynda trúnaðarmenn, aukin samskipti sín á milli og við félagið, meira fræðslustarf og heimsóknir á vinnustaði. Þá kom fram sú ósk að forystu félagsins hlusti vel eftir vilja trúnaðarmanna  við undirbúning næstu kjarasamninga. Þetta er aðeins hluti þeirra fjölmörgu hugmynda sem ræddar voru á fundinum.

Aðalfundur Eflingar samþykkir einróma

Stækkun Sætúns 1

Aðalfundur Eflingar-stéttarfélags samþykkti á dögunum einróma að heimila stækkun Sætúns 1 en viðbygging hússins hefur verið á dagskrá félagsins nú um nokkurra ára skeið. Heimilað hefur verið að byggja fjögurra hæða viðbyggingu við norðurenda suðurhúss og eina hæð ofan á norðurhús auk nokkurra annarra minni háttar breytinga sem stækka húsið. Sigurður Bessason, formaður Eflingar sagði á fundinum að það væri afar knýjandi að stækka húsnæði Eflingar vegna aukinnar starfsemi félagsins, bæði starfsendurhæfingar og annarrar starfsemi sem koma þarf fyrir í húsinu. Um 1000 fermetra aukning verður á húsnæði Eflingar og kostnaður félagsins af stækkuninni nemur um 352 milljónir króna sem hefur lítil áhrif á fjárhagsstöðu Eflingar. Fram hefur komið hjá byggingaraðilum hússins að viðbygging Sætúns 1 sé mjög hagkvæm á þessum tíma og mjög heppilegt sé að skapa atvinnu við byggingastarfsemi sem hefur verið í mikilli lægð undanfarin ár. Auk Eflingar eru Gildi lífeyrissjóður og ASÍ eignaraðilar hússins og byggingaraðilar að viðbyggingunni. Framkvæmdir munu hefjast í haust.

Miklar hækkanir í sjúkrasjóði

Á aðalfundi 2013 þann 30. apríl s.l. voru samþykktar umfangsmiklar breytingar í Sjúkrasjði Eflingar sem fela m.a. í sér hækkanir bæði á hámarksupphæðum dag-peninga og dánarbótum, auk þess sem fjárhæðir styrkja verða hækkaðar. Ástæða þess að hægt er að leggja til slíkar hækkanir má að mestu þakka góðri stjórn og jákvæðnum rekstri sjóðsins síðustu ár. Hámarksgreiðslur dagpeninga hækka um allt að 14%.

Orlofshús

Laus hús í sumar

Hér má sjá laus orlofshús í sumar.

1. maí í Reykjavík

Baráttufundur á Ingólfstorgi

Baráttufundur verður haldinn á Ingólfstorgi miðvikudaginn 1. maí á baráttudegi launafólks. Kynnir verður Þórarinn Eyfjörð, framkvæmdastjóri SFR og ræðumenn verða þau VR og RSÍ formaður frá ASÍ en ræðumaður frá BSRB verður. Safnast verður saman neðan við Hlemm á Laugavegi á horni Snorrabrautar um kl. 13.00 en gangan leggur af stað kl. 13.30. Að loknum hátíðarhöldunum býður Efling-stéttarfélag upp á kaffi í Valsheimilinu að Hlíðarenda -Vodafone höllinni.

Stjórnar og trúnaðarráðs Eflingar skorar á ríkisstjórnina

Leiðréttið laun allra umönnunarhópa

Stjórn og trúnaðarráð Eflingar samþykkti einróma á fundi sínum 18. apríl sl að skora á ríkisstórnina að leiðrétta laun allra umönnunarhópa í samræmi við þá stefnu sem stjórnin hefur kynnt í kjölfar sérstakra leiðréttinga til hjúkrunarfræðinga. Ályktunin er meðfylgjandi.

Barnatónleikar Lúðrasveitar verkalýðsins

Komdu og hlustaðu

Lúðrasveit verkalýðsins hefur í áraraðir haldið barnatónleika í Reykjavík. Í tilefni af 60 ára afmæli sveitarinnar verða skemmtilegir barnatónleikar í Hörpu þriðjudaginn 23. apríl kl. 18 þar sem sérstakir gestir verða Skólahljómsveit Árbæjar og Breiðholts en þar spila um 60 krakkar. Leikin verða lög úr Mary Poppins og Dýrunum í Hálsaskógi, Ryksugulagið og önnur frábær barnatónlist. Komdu og hlustaðu á yfir 100 hljóðfæraleikara á aldrinum 9-59 ára spila tónlist fyrir börn og barnabörn og hreint út sagt alla!  Engin aðgangseyrir

Ársfundur Faghóps leikskólaliða

Mikil vinna fram undan

Faghópur leikskólaliða í Eflingu-stéttafélagi hélt ársfund sinn mánudaginn 15.apríl 2013. Faghópur leikskólaliða er nú að hefja sitt sjötta starfsár og hefur leikskólaliðum hjá Eflingu fjölgað stöðugt á þessum tíma. Stjórn leikskólaliða var sjálfkjörin á fundinum og fór Aðalbjörg Jóhannesdóttir yfir ársskýrslu leikskólaliða ásamt því að Ingrid Kuhlman hélt vel heppnaðan fyrirlestur um Samþættingu starfs og einkalífs. 

Ársfundur Faghóps félagsliða
Mikilvægt að knýja á um löggildingu

Áttundi ársfundur faghóps félagsliða var haldinn 16. apríl síðast liðinn og var stjórnin sjálfkjörin.  Kristín Björnsdóttir las ársskýrslu faghópsins þar sem fram kom að hátt í fjögur hundruð félagsliðar hefðu verið boðaðir á þennan ársfund sem væri til marks um vaxandi hóp félagsliða.  Í ræðu Kristínar kom fram að í maí 2012 hefðu ný lög um heilbrigðisstarfsmenn tekið gildi sem ættu að tryggja gæði heilbrigðisþjónustu og öryggi sjúklinga með því að skilgreina kröfur um menntun, kunnáttu og færni heilbrigðisstarfsmanna og starfsheiti þeirra.  Það væri því full ástæða til þess að fylgja því eftir gagnvart félagsliðum með því að knýja á um löggildingu á starfsheiti félagsliða.

Faghópur félagsliða

Ársfundur

Faghópur félagsliða í Eflingu-stéttarfélagi heldur sinn áttunda ársfund þriðjudaginn 16. apríl 2013. Fundurinn verður haldinn í húsnæði Eflingar Sætúni 1 á 4. hæð og hefst kl. 18:00.