Gagnaskil
Gagnaskil til vinnuréttindasviðs Eflingar
Efling aðstoðar félagsmenn við úrlausn ágreiningsmála á vinnustað, túlkun kjarasamninga Eflingar og innheimtu launakrafna, m.a. vegna gjaldþrota fyrirtækja. Gagnaskil eru fosenda þess að hægt sé að veita félagsmönnum sem besta aðstoð.
Hér að neðan eru leiðbeiningar um hvaða gögnum er mikilvægt að skila til að auðvelda úrlausn mála.
1. Umboð og upplýst samþykki
Með undirritun sinni samþykkir félagsmaður:
- Að Efling taki við persónuupplýsingum um félgasmann, sem geta innihaldið almennar og viðkvæmar persónuupplýsingar, vinni með gögnin og upplýsingarnar, miðli gögnunum til þriðja aðila, visti gögnin með rafrænum og hefðbundnum hætti í skjalakerfi stéttarfélagsins og vinni með gögnin eins og þurfa þykir.
- Að upplýsingar um félagsmann á Mínum síðum séu réttar og uppfærðar.
- Að Eflingu sé heimilt að sækja gögn um félagsmann, til þriðja aðila, gerist þess þörf til að vinna í máli hans.
2. Upplýsingablað
Mikilvægt er að fylla út upplýsingablaðið svo vinnsla málsins gangi hraðar fyrir sig. Þú getur hlaðið skjalinu niður hér fyrir neðan.
3. Ráðningarsamningur
Ef enginn ráðningarsamningur er til staðar þá þarf að taka það fram á upplýsingablaðinu.
4. Launaseðlar – Síðustu 6 mánuðir
- Hægt er að nálgast launaseðla hjá atvinnurekanda eða rafrænt í gegnum netbanka.
- Ef engir launaseðlar eru til staðar þá þarf að taka það fram á upplýsingablaðinu.
5. Bankayfirlit – Greiðslur frá atvinnurekanda
- Bankayfirlit er notað til að skoða innborganir frá atvinnurekanda. Það þarf ekki að innihalda allar reikningsfærslur félagsmanns, nóg er að yfirlitið sýni allar greiðslur frá atvinnurekanda. Ef greiðslur hafa verið greiddar frá fleiri en einum reikningi á vegum atvinnurekanda er nauðsynlegt að fá yfirlit yfir alla reikningana.
- Hægt er að nálgast slík yfirlit í netbanka eða í útibúi bankans.
Arion Banki
Íslandsbanki
Landsbankinn
Bankayfirlit leiðbeiningar – Arion Banki
Félagsmenn í viðskiptum við Arion banka geta nálgast bankayfirlit yfir launagreiðslur í gegnum
netbankann
Að innskráningu lokinni – undir Yfirlit skaltu velja Reikningar
Veldu síðan réttan bankareikning
Næst velur þú tímabil
Veldu Leitarskilyrði – og skrifaðu nafn launagreiðanda í reitinn Leitarstrengur
Núna getur þú séð yfirlit af öllum færslum
Til að vista skjalið sem PDF ýttu á rauða PDF takkann niðri til vinstri
Bankayfirlit leiðbeiningar – Íslandsbanki
Félagsmenn í viðskiptum við Íslandsbanka geta nálgast bankayfirlit yfir launagreiðslur í gegnum
netbankann.
Að lokinni innskráningu skaltu velja Yfirlit
Næst velur þú réttan bankareikning og skrifar svo nafn launagreiðanda í leitargluggann
Til að slá inn tímabil ýttu þá á + Ítarleg leit
Til að vista skjalið sem PDF þarf fyrst að ýta á Prenta
og þegar skjalið opnast skal breyta Destination í Save as PDF
Bankayfirlit leiðbeiningar – Landsbankinn
Félagsmenn í viðskiptum við Landsbankann geta nálgast bankayfirlit yfir launagreiðslur í gegnum
netbankann.
Þegar netbankinn/appið hefur verið opnað er viðeigandi bankareikningur valinn.
Vinnuveitandi er valinn.
Viðeigandi tímabil er valið.
6. Staðgreiðsluskrá RSK
Staðgreiðsluskrá RSK er hægt að nálgast í gegnum þjónustuvef www.rsk.is
Byrjaðu á því að skrá þig inn á þjónustuvefinn með rafrænum skilríkjum með
því að velja Þjónustuvefir
Næst velur þú Innskráning á þjónustuvef
Undir Almennt veljið Staðgreiðsluskrá RSK
Sækja skal svo skjalið sem PDF með því að ýta á Sækja PDF
7. Tímaskráningar
- Skráningar yfir allar unnar klukkustundir hjá atvinnurekanda. Dæmi: Laugardagur, 10. febrúar: 8:00 – 16:00
- Ef tímaskráningar hjá atvinnurekanda eru í gegnum tímaskráningarkerfi eins og til dæmis
Tímon þá er best fara inn á notendaaðganginn þinn þar og hala niður tímaskýrslunni sem Excel
skjali.
- Ef tímaskráningar þínar fara ekki fram í tímaskráningarkerfi þá mælum við með að fylla út þetta Excel skjal hér fyrir neðan með tímaskráningunum, til að flýta fyrir úrvinnslu málsins.
8. Samskipti við atvinnurekanda
Gott er að taka saman öll skrifleg samskipti við atvinnurekanda, raða í tímaröð og vista í eitt skjal.
9. Uppsagnarbréf
- Uppsögn skal alltaf vera skrifleg (bréf formi, tölvupóstur eða samskiptamiðlar).
- Ef ekkert uppsagnarbréf er til staðar þarf að taka það fram á upplýsingablaði.
10. Vottorð frá lækni
Á aðeins við ef um er að ræða veikindi, veikindi í orlofi, vinnuslys eða atvinnusjúkdóm.
11. Staðfesting frá Sjúkratryggingum Íslands
Á aðeins við ef um er að ræða
vinnuslys. Skila þarf inn ákvörðun Sjúkratrygginga Íslands um bætur. Frekari upplýsingar er að finna hér.
