Úthlutanir og tímabil

Úthlutunartímabil eru tvö, yfir páskana og sumartímann. Leigutímabil yfir páska er ein vika frá miðvikudegi til miðvikudags og sumartímabilið hefst um mánaðarmót maí/júní og er 13 vikur og þá eru húsin leigð út í vikuleigu frá föstudegi til föstudags. Upplýsingar um umsóknartímabil og úthlutanir eru kynntar í upphafi árs á miðlum Eflingar. Skila þarf inn umsókn á auglýstum umsóknartímabilum.

Sérstakt orlofshúsakerfi Eflingar heldur utan um allar úthlutanir félagsins, þar safnast réttindi upp í formi punkta á hvern félagsmann og lífaldur getur jafnframt haft áhrif á úthlutanir. Fjöldi punkta markast af greiðslum til félagsins en reynt er að búa út sem mestan jöfnuð í kerfinu þannig að þeir sem hafa lægri tekjur eigi einnig góða möguleika á að fá úthlutað íbúðum og orlofshúsum.

Tölvukerfið úthlutar þannig að öllum umsóknum er raðað eftir punktaröð, þ.e. þeir umsækjendur sem hafa flesta punkta eru efst í röðinni og svo koll af kolli. Lífaldur ræður ef punktar tveggja eru jafnir þ.e. sá sem er eldri fær fyrst úthlutað. Kerfið les sig síðan í gegn um allar umsóknirnar og skoðar hvert val fyrir sig.

Aðeins ein úthlutun verður og er hún fyrir alla félagsmenn með réttindi. Þetta á bæði við um sumar- og páskaúthlutun. Punktastaða ræður niðurstöðu úthlutunar.

Fyrstur nær fyrstur fær
Eftir páskaúthlutun opnast bókunarvefurinn fyrir alla félagsmenn til að bóka þau hús sem enn eru laus. Eftir sumarúthlutun opnast bókunarvefurinn í tveimur skrefum, út frá punktainneign félagsmanna, til að bóka þau hús sem laus eru hverju sinni

Fyrst í 3 daga fyrir þá sem eiga 100 punkta og meira í kerfinu.

Fyrir alla félagsmenn með réttindi.

Félagsmaður sem greiðir til Eflingar ávinnur sér 1 orlofspunkt á mánuði, óháð starfshlutfalli. Sá sem er í fullu starfi fær 2 til 3 orlofspunkta á mánuði, í samræmi við reiknireglu orlofssjóðs. Ekkert hámark er á hversu mörgum orlofspunktum er hægt að safna upp.

Ekki er hægt að leigja orlofshús nema að félagsmaður eigi fyrir því nægilega marga orlofspunkta. Mismunandi er eftir tímabilum, svæðum og lengd dvalar hversu margra orlofspunkta er þörf. Orlofspunktar dragast frá við leigu allt árið um kring.

Athugið að punktar segja aðeins til um forgang í úthlutun en koma ekki í stað greiðslu.

Tímabil vetrarleigu hefst um mánaðamót ágúst/september og þá er bókað beint, engar umsóknir (að undanskildum páskum). Á vetrartímanum er leigutíminn sveigjanlegri og þá er hægt að bóka bæði helgar- og vikuleigu. Opnað er fyrir vetrarleigu í tveimur skrefum: um miðjan ágúst opnast fyrir bókanir fram að jólum og fyrsta virka dag í nóvember opnast fyrir bókanir eftir áramót og fram að sumartímabili. Opnað er fyrir bókanir á Mínum síðum kl. 9.00 á opnunardegi.

Félagsfólk getur farið inn á Mínar síður til að bóka eða sent tölvupóst á orlof@efling.is.