Staðgengill fyrir undirtitil færslunnar þinnar
Staðgengill fyrir efni færslunnar. Þetta er þar sem innihald bloggfærslunnar þinnar fer. Til að bæta við græjum og sérsníða texta og myndir fyrir einstakar færslur, farðu í Stjórna færslum. Þaðan geturðu breytt núverandi færslu eða bætt við nýrri.
Hulda Anna Arnljótsdóttir fer yfir umsóknir
Hverjir fara í Leonardóferðir?
Alltaf spennandi að sjá niðurstöður
Á undanförnum árum hefur skapast mikið samstarf Eflingar við ýmis fyrirtæki um þátttöku í Leonardó mannaskiptaáætlun Evrópusambandsins. Nú í febrúar lauk umsóknarfresti fyrir nýja hópa að sækja um í Leonardó og hefur verið leitað eftir samstarfsaðilum undanfarna mánuði. Þeir sem sýndu því áhuga voru svo boðaðir á fund hjá Eflingu-stéttarfélagi í janúar og málin rædd og verkefnin undirbúin. Viðkomandi vinnustaðir útveguðu sér síðan tengiliði í Evrópu og var þá í framhaldinu unnin viðmikil umsókn með markmiðslýsingum fyrir hvern hóp fyrir sig.
Hulda Anna Arnljótsdóttir sem er nýkomin til starfa hjá Mími-símenntun vann umsóknina fyrir Eflingu-stéttarfélag í náinni samvinnu og samráði við félagið. Nú í ár er sótt um fyrir átta vinnustaði en þegar svar kemur við umsókninni verður ljóst hvað hver vinnustaður getur sent marga í náms- og kynnisferð í framhaldinu.
Þórunn H. Sveinbjörnsdóttir sem hefur annast allan undirbúning af hálfu Eflingar segir að mikil vinna liggi að baki slíkri umsókn við að ná saman þátttakendum og fá samstarfsaðila á erlendum vettvangi. Þetta er í þriðja sinn sem Efling tekur þátt í þessum ferli. Við erum komin með nokkra reynslu á þessu sviði en það er alltaf jafn spennandi að sjá hver niðurstaðan verður, segir hún.
