Staðgengill fyrir undirtitil færslunnar þinnar
Staðgengill fyrir efni færslunnar. Þetta er þar sem innihald bloggfærslunnar þinnar fer. Til að bæta við græjum og sérsníða texta og myndir fyrir einstakar færslur, farðu í Stjórna færslum. Þaðan geturðu breytt núverandi færslu eða bætt við nýrri.
Kjörstjórn Eflingar – stéttarfélags auglýsir hér með almenna leynilega rafræna atkvæðagreiðslu um boðun vinnustöðvunar á starfsstöðvum fyrirtækjanna Íslandshótel hf. og Fosshótel Reykjavík ehf. Atkvæði greiða þeir félagsmenn sem boðunin tekur til.
Um er að ræða ótímabundna vinnustöðvun sem hefst klukkan 12 á hádegi 7. febrúar 2023. Vinnustöðvunin tekur til allra starfa undir kjarasamningi Eflingar við SA um vinnu í veitinga- og gistihúsum, á eftirtöldum starfsstöðvum:
- Fosshotel Reykjavík…………….. Þórunnartún 1, 105 Reykjavík
- Hotel Reykjavík Grand………… Sigtún 28, 105 Reykjavík
- Hotel Reykjavík Saga…………… Lækjargata 12, 101 Reykjavík
- Hotel Reykjavík Centrum…….. Aðalstræti 16, 101 Reykjavík
- Fosshotel Baron…………………… Barónsstígur 2-4, 101 Reykjavík
- Fosshotel Lind…………………….. Rauðarárstígur 18, 105 Reykjavík
- Fosshotel Rauðará……………….. Rauðarárstígur 37, 105 Reykjavík
Atkvæðagreiðslu skal ljúka klukkan 20:00 þann 30. janúar 2023. Atkvæðagreiðsla hefst klukkan 12 á hádegi þriðjudaginn 24. janúar 2023.
Boðun var samþykkt á fundi samninganefndar Eflingar þann 22. janúar 2023. Texti hennar í heild sinni er hér.
Tengill til að fá aðgang að rafrænni atkvæðagreiðslu er hér fyrir ofan (virkjast kl. 12 á hádegi 24.1.2023). Allir félagsmenn á kjörskrá sem eru með skráð netfang hjá félaginu fá tengilinn jafnframt sendan í tölvupósti. Til að greiða atkvæði þarf rafræn skilríki.
Félagsmenn sem eru ekki á kjörskrá en telja sig hafa atkvæðisrétt skulu senda erindi til kjörstjórnar og óska þess að vera bætt á kjörskrá. Erindi skal fylgja launaseðill eða ráðningarsamningur. Farið er með erindið og fylgigögn í trúnaði og skal það sent á netfangið felagsmal@efling.is.
Félagsmenn sem ekki geta nýtt sér rafræna atkvæðagreiðslu geta kosið utan kjörfundar með pappírsatkvæði á skrifstofu félagsins, á opnunartíma hennar, og skulu hafa löggild skilríki meðferðis, svo sem ökuskírteini, vegabréf eða nafnskírteini útgefið af Þjóðskrá Íslands.
23. janúar 2023
