Staðgengill fyrir undirtitil færslunnar þinnar
Staðgengill fyrir efni færslunnar. Þetta er þar sem innihald bloggfærslunnar þinnar fer. Til að bæta við græjum og sérsníða texta og myndir fyrir einstakar færslur, farðu í Stjórna færslum. Þaðan geturðu breytt núverandi færslu eða bætt við nýrri.
Minnum á dagsferðir Eflingar í Borgarfjörð tvo næstu laugardaga. Enn eru laus pláss. Verð er aðeins 6.000 kr. á mann og hægt er að skrá sig í ferðina á skrifstofu Eflingar í síma 510-7500 eða senda tölvupóst á orlof@efling.is. Gætt verður að sóttvörnum í rútunum, þ.e. varðandi bil á milli gesta (sem ekki eru saman) og boðið upp á grímur og spritt.
Deginum verður varið í náttúru- og söguskoðun í Borgarfirði í góðum félagsskap. Hægt er að velja um tvær ferðadagsetningar, laugardaginn 28. ágúst eða laugardaginn 4. september. Verð er 6.000 kr. á mann og er léttur kvöldverður innifalinn. Frítt er fyrir börn undir 14 ára aldri.
Lagt verður af stað stundvíslega kl. 8:15 frá húsnæði Eflingar, Guðrúnartúni 1. Mæting kl. 8:00.
- Ekið sem leið liggur að Þingvöllum og þaðan inn á veginn yfir Uxarhryggi sem er fáfarinn en falleg leið í Borgarfjörð. Meðal viðkomustaða í ferðinni verða Reykholt, Hraunfossar, Húsafell þar sem snætt verður nesti, geitabúið á Háafelli, Deildartunguhver og Hvanneyri. Fyrirhugað er að ljúka ferðinni í Borgarnesi þar sem boðið verður upp á léttan kvöldverð og gestum einnig gefinn kostur á að skoða Egilssögu- eða Landnámssýningu í Landnámssetrinu.
- Þetta er einstakt tækifæri til að fara í skemmtilegt dagsferðalag, njóta útsýnis og fallegrar náttúru á sögufrægum slóðum með leiðsögn.
- Áætluð heimkoma er undir kvöld. Hafa þarf í huga ef börn eru með að ferðin tekur u.þ.b. 12 klst.
Ferðalangar þurfa að hafa með sér nesti til dagsins, skjólgóðan fatnað og góða skó. Skráning í ferðina er í síma 510-7500 eða með tölvupósti – orlof@efling.is, senda þarf upplýsingar um nafn og kennitölu. Skráning stendur yfir eins lengi og sætaframboð leyfir og gesti þarf einnig að skrá sérstaklega.
Sjá nánari upplýsingar hér.
