Efling stendur fyrir bíósýningu fyrir félagsmenn sína og fjölskyldur þeirra í vetrarfríi grunnskóla, fimmtudaginn 19. febrúar. Sýnd verður Kafteinn Skögultönn og Greifynjan af Gral í Laugarásbíó klukkan 14:00.
Kafteinn Skögultönn og Greifynjan af Gral er ævintýraleg teiknimynd sem fylgir djarfa sjóræningjanum Kaftein Skögultönn í baráttunni við hina slægu greifynju af Gral, sem reynir að ná fjársjóði ástkærrar eyju sinnar.
Miðasala er í fullum gangi á Mínum síðum Eflingar undir flipanum vefverslun. Miðinn kostar 500kr. og innifalið er popp og gos eða djús. Hámark 5 miðar fyrir hvern félagsmann.
