Efling stéttarfélag óskar félagsfólki sínu og landsmönnum öllum til hamingju með Hinsegin daga sem ná hámarki sínu í dag með Gleðigöngunni. Efling stendur með hinsegin fólki í baráttu þess fyrir mannréttindum og frelsi, baráttu sem gagnast öllu fólki.
Yfirskrift Hinsegin daga í ár er Stolt er styrkur og tekur Efling hjartanlega undir með þeim kjörorðum. Jafnréttisbaráttu stafar sífellt meiri ógn af fordómum og bakslagi, sem hefur því miður orðið vart í auknum mæli hér á landi á síðustu misserum, ekki síst í garð trans fólks.
Eflingarfólk tilheyrir öllum litum regnbogans og er sannarlega ekki óvant því að berjast gegn fordómum og fyrir réttindum sínum. Við göngum öll öxl í öxl með hinsegin systkinum okkar í þeirra baráttu, hér eftir sem hingað til.
