Staðgengill fyrir undirtitil færslunnar þinnar
Staðgengill fyrir efni færslunnar. Þetta er þar sem innihald bloggfærslunnar þinnar fer. Til að bæta við græjum og sérsníða texta og myndir fyrir einstakar færslur, farðu í Stjórna færslum. Þaðan geturðu breytt núverandi færslu eða bætt við nýrri.
Stjórn Eflingar hefur samþykkt ráðningar hóps stjórnenda og lykilstarfsmanna sem hefja munu störf á skrifstofum Eflingar á næstu vikum.
Líkt og áður hefur verið greint frá tekur Perla Ösp Ásgeirsdóttir við starfi framkvæmdastjóra. Í hópi stjórnenda sem stjórn hefur nú samþykkt að ráða til starfa henni við hlið eru þeir Magnús Rínar Magnússon sviðsstjóri þjónustu, Ingólfur B. Jónsson sviðsstjóri vinnuréttinda og Viðar Þorsteinsson fræðslu- og félagsmálastjóri.
Einnig hefur verið gengið frá ráðningu Sveins Ingvasonar í stöðu forstöðumanns orlofshúsa, en Sveinn hefur um árabil verið yfirmaður orlofshúsamála Eflingar. Stefán Ólafsson hefur verið ráðinn sérfræðingur í vinnumarkaðs- og lífskjararannsóknum og Ragnar Ólason tekur við starfi sérfræðings í kjarasamningsgerð.
Allir þessir einstaklingar fóru í gegnum viðtöl og hæfnismat hjá ráðningarstofu. Með þessum ráðningum hafa stjórnunarstöður allra helstu sviða starfseminnar á skrifstofu Eflingar verið mannaðar.
Lokafrágangur stendur nú yfir á ráðningum almennra starfsmanna en mikið af umsóknum barst í störf sem auglýst voru 16. apríl síðastliðinn.
„Ráðningar hafa gengið framar vonum. Rekstur skrifstofunnar er og verður í góðum höndum. Næsta skref er að ganga frá ráðningum almennra starfsmanna, og vonir standa til að því verði lokið innan skamms,“ sagði Sólveig Anna Jónsdóttir formaður Eflingar.
