Staðgengill fyrir undirtitil færslunnar þinnar
Staðgengill fyrir efni færslunnar. Þetta er þar sem innihald bloggfærslunnar þinnar fer. Til að bæta við græjum og sérsníða texta og myndir fyrir einstakar færslur, farðu í Stjórna færslum. Þaðan geturðu breytt núverandi færslu eða bætt við nýrri.
Efling hefur haldið fjölda funda með trúnaðarmönnum sínum undanfarið til að ræða samningamálin. Hér er trúnaðarráð Eflingar á fundi nýlega…
Næsta fréttablað Eflingar kemur út innan skamms og er það fullt af skemmtilegu efni. Á næstu dögum munu birtast fréttir úr blaðinu á vefsíðunni. Hér kemur frétt um gerð kjarasamninga.
Nú um þessi mánaðamót eru allir kjarasamningar Eflingar-stéttar-félags og aðildarfélaga ASÍ og annarra heildarsamtaka launamanna lausir. Það er fremur óvenjulegt að allur vinnumarkaðurinn sé með lausa kjarasamninga á sama tíma. Kjarasamningar markast af lögum um stéttarfélög og vinnudeilur sem eiga uppruna sinn allt til ársins 1938 en veigamiklar breytingar voru gerðar á lögunum 1996 þegar ákvæði um samninganefndir, viðræðuáætlanir og ýmis fleiri ákvæði voru tekin inn í lögin. En hvernig ganga kjarasamningar venjulega fyrir sig?
Atvinnurekendum og stéttarfélögum ber að gera viðræðuáætlanir, sem er áætlun um skipulag viðræðna um endurnýjun kjarasamnings. Áætlanir skulu vera tilbúnar í síðasta lagi 10 vikum áður en kjarasamningur rennur út. Í Eflingu-stéttarfélagi hefur félagið gert kjarasamninga á almennum markaði þ.e. við Samtök atvinnulífsins með Flóafélögunum, Hlíf og VSFK.Viðræðuáætlun var gerð á almenna markaðnum 22. september sl. en þar er gert ráð fyrir því að aðilar lýsi markmiðum varðandi þróun verðlags, gengi krónunnar, kaupmáttar og atvinnustigs svo og samningstíma og samningsforsendur. Í nóvember er gert ráð fyrir að aðilar kynni óskir um breytingar á ákvæðum kjarasamninga, öðrum en þeim sem lúta að kaupliðum en umræður um kaupliði hefjist í nóvember. Ljóst er að miðað við viðræðuáætlunina, er framvinda undirbúnings kjarasamninga nokkuð á eftir áætlun. Ekki hafa átt sér stað formlegar viðræður við SA um meginmarkmið og kynning á óskum um kaupliði. Lögum samkvæmt fara samninganefnd eða forsvarsmaður nefndarinnar með fyrirsvar í kjarasamningum og hefur umboð til að setja fram tillögu að samningi, taka þátt í samningaviðræðum og undirrita kjarasamning sem síðan gengur til félagsmanna eftir ákveðnum reglum. Stéttarfélögin hafa nú flest gengið frá skipun samninganefnda og Efling-stéttarfélag gekk frá skipun samninganefndar í þessum mánuði. Í síðustu kjarasamningum hafa Flóafélögin, Efling, Hlíf og VSFK myndað stóra samninganefnd og unnið saman á fjölmörgum sviðum kjaramála. Svo verður einnig nú í þessum kjarasamningum.
Ljóst er að sú pólitíska óvissa sem ríkir í landinu, gerð fjárlaga og ýmsir óvissuþættir sem tengjast stefnumörkum ríkisstjórnar í atvinnu-, kjara-, og félagsmálum er veigamesta ástæða þess hve hægt kjaraviðræður fara af stað. Þá er erfitt fyrir aðila vinnumarkaðarins að setja af stað áætlanir um samningstíma og samningsmarkmið meðan forsendur í ríkisfjármálum eru óvissar.
Efling-stéttarfélag hefur gengið frá öðrum viðræðuáætlunum s.s. við Samband sveitarfélaga, Launanefnd Samtaka fyrirtækja í heilbrigðisþjónustu, Reykjavíkurborg og veitt Sjómannasambandinu umboð til að gera viðræðuáætlun og kjara-samning fyrir hönd sjómanna. Þá hefur Efling einnig veitt Starfsgreinasambandinu umboð til að gera samning við ríkið.
En almennt hefur Efling-stéttarfélag ekki veitt landssamböndum umboð til gerðar kjarasamninga heldur fer félagið að mestu leyti með eigin forráð á samningamálunum.
