Staðgengill fyrir undirtitil færslunnar þinnar
Staðgengill fyrir efni færslunnar. Þetta er þar sem innihald bloggfærslunnar þinnar fer. Til að bæta við græjum og sérsníða texta og myndir fyrir einstakar færslur, farðu í Stjórna færslum. Þaðan geturðu breytt núverandi færslu eða bætt við nýrri.
Gallup-könnun staðfestir að leiðrétta þurfi laun í umönnunarstörfum
Þegar fólk er spurt hversu sátt það sé með laun sín, eru eflaust flestir sem myndu svara því til að þeir gætu alveg hugsað sér að fá hærri laun. Í viðhorfskönnun sem IMG Gallup vann í mars mánuði sl. meðal félagsmanna Eflingar, Hlífar og VSFK kom fram sláandi munur eftir hópum hversu sátt fólk var með launin.
Könnunin leiddi í ljós að fleiri karlar eru mjög eða frekar sáttir með laun sín, ríflega 56% á móti tæplega 37% kvenna. Ef að við skoðum þetta út frá menntun, þá eru þeir sem eru með minnsta menntun sáttastir með launin og skýrist það að hluta til af því að í þeim hópi er ungt fólk sem er að stíga sín fyrstu skerf á vinnumarkaði og býr í foreldrahúsum. Þessi hópur er því síður háður tekjuafkomunni.
En þegar við greinum svörin eftir því við hvað fólk starfar, kemur í ljós að þeir sem starfa við umönnun eru lang ósáttastir, en ríflega 73% þeirra eru frekar eða mjög ósátt með launin. Það kemur því ekki á óvart að í núverandi þensluástandi og þegar atvinnuleysi er í sögulegu lágmarki, leitar sá hópur sem starfar við umönnun í betur launuð störf. Þegar gengið var frá kjarasamningum við ríki og hjúkrunarheimili á síðasta ári, var lögð áhersla á að hækka umönnunarstörf sérstaklega, en ljóst er að gera þarf betur ef að þessi störf eiga að vera samkeppnishæf um vinnuafl.
