Staðgengill fyrir undirtitil færslunnar þinnar
Staðgengill fyrir efni færslunnar. Þetta er þar sem innihald bloggfærslunnar þinnar fer. Til að bæta við græjum og sérsníða texta og myndir fyrir einstakar færslur, farðu í Stjórna færslum. Þaðan geturðu breytt núverandi færslu eða bætt við nýrri.
Starfslokanámskeið Eflingar hafa verið eftirsótt af félagsfólki sem er í þann mund að undirbúa starfslok og hefja eftirlaunatímann. Námskeiðin hafa hingað til aðeins verið í boði á kvöldin en nú verður námskeiðið einnig í boði sem heilsdagsnámskeið.
Að hætta á vinnumarkaði er tímamót fyrir hvern og einn svo þann tíma þarf að undirbúa vel. Breytingin hefur mikil áhrif á líf fólks og er gjarnan stórt skref að stíga. Með góðum undirbúningi er hægt að gera nýja hlutverkið í lífinu jákvætt og skemmtilegt. Á námskeiðinu fjalla sérfræðingar til að mynda um iðju og lífsleikni eftir starfslok, sjúkratryggingar, lífeyrisréttindi, heilsu og réttindi hjá stéttarfélaginu og svara fyrirspurnum frá þátttakendum. Einnig verður fjallað um hvað er í boði í félagsstarfi og fræðslu fyrir fólk sem er komið á besta aldur.
Námskeiðið er haldið yfir daginn 12. nóvember frá kl. 9:30-15:15. Boðið verður upp á hádegismat. Heimilt er að bjóða maka með.
Margir vinnustaðir leyfa starfsfólki sem er að skipuleggja starfslok að sækja námskeið af þessu tagi á dagvinnutíma á fullum launum, þótt um slíkt hafi ekki verið samið sérstaklega í kjarasamningum. Efling hvetur félagsfólk sitt til að kanna málið hjá sínum atvinnurekanda og reyna að komast að samkomulagi.
Kennsla fer fram í húsnæði Eflingar, Guðrúnartúni 1, 4. hæð og er félagsfólki að kostnaðarlausu. Námskeiðið er haldið í samstarfi við Mími.
