Staðgengill fyrir undirtitil færslunnar þinnar
Staðgengill fyrir efni færslunnar. Þetta er þar sem innihald bloggfærslunnar þinnar fer. Til að bæta við græjum og sérsníða texta og myndir fyrir einstakar færslur, farðu í Stjórna færslum. Þaðan geturðu breytt núverandi færslu eða bætt við nýrri.
Á fjölmennum fundi samninganefndar Flóafélaganna var samþykkt með yfirgnæfandi meirihluta atkvæða að halda áfram samningaviðræðum við Samtök atvinnulífsins á þeim forsendum sem kynntar voru á fundinum. Mikil óánægja kom þó fram með afstöðu ríkisstjórnarinnar til skattatillagna verkalýðshreyfingarinnar.
Á fundinum fór formaður samninganefndar Flóafélaganna, Sigurður Bessason, yfir stöðu samningamálanna eftir að nýtt tilboð kom fram frá Samtökum atvinnulífsins á fimmtudag sl.
Hann fór yfir samningstilboðið sem nær til allra sambanda og félaga innan ASÍ en samkvæmt því er gert ráð fyrir meiri hækkun á kauptaxta undir ákveðnum mörkum, hækkun tekjutryggingar og með samkomulaginu er gert ráð fyrir viðræðuáætlun um frekari samningavinnu í einstökum samningum þegar á næsta ári.
Mikil umræða varð á þessum fjölmenna fundi í samninganefndinni og komu fram mikil vonbrigði og óánægja meðal þeirra sem til máls tóku með afstöðu stjórnvalda til skattatillagna verkalýðshreyfingarinnar.
