Staðgengill fyrir undirtitil færslunnar þinnar
Staðgengill fyrir efni færslunnar. Þetta er þar sem innihald bloggfærslunnar þinnar fer. Til að bæta við græjum og sérsníða texta og myndir fyrir einstakar færslur, farðu í Stjórna færslum. Þaðan geturðu breytt núverandi færslu eða bætt við nýrri.
Eindrægni í samninganefnd Flóafélaganna
Mikil eindrægni ríkti á fjölmennum fundi samninganefndar Flóafélaganna í gærkvöldi þegar farið var yfir drög að nýjum kjarasamningum sem nú liggja fyrir í stórum dráttum. Samninganefndin samþykkti eftir umræður einróma tvær tillögur sem lágu fyrir fundinum. Megintillagan var um heimild til viðræðunefndar Flóans að ljúka kjarasamningum á þeim forsendum sem kynntar voru á fundinum en hin tillagan var um að heimila sameiginlega atkvæðagreiðslu Eflingar, Hlífar og VSFK um kjarasamningana.
Eftir að fundinum lauk hélt viðræðunefndin í hús Ríkissáttasemjara þar sem fundum um kjarasamningana var haldið áfram. Flóafélögin hafa nú lokið flestum sínum málum en verið er að leggja lokahönd á nokkur mál sem út af standa. Þá eru nokkur mál annarra landssambanda ASÍ í vinnslu og einnig á eftir að ganga frá sameiginlegum málum sem Alþýðusambandið er með á sinni könnu. Þá er einnig til umræðu yfirlýsing ríkisstjórnarinnar í tengslum við kjarasamningana.
Hér fara á eftir tillögur sem fundur samninganefndar Flóans samþykkti einróma:
Tillaga um heimild til viðræðunefndar að ljúka kjarasamningum
Fundur samninganefndar Eflingar-stéttarfélags, Vlf. Hlífar og Verkalýðs- og sjómannafélags Keflavíkur og nágrennis samþykkir heimild til viðræðunefndar félaganna að ljúka kjarasamningum á þeim forsendum sem kynntar hafa verið á fundinum.
Tillaga um sameiginlega atkvæðagreiðslu Eflingar, Hlífar og VSFK
Samningnefnd Flóafélaganna heimilar að fram fari sameiginleg póstatkvæðagreiðsla um kjarasamning stéttarfélaganna Eflingar-stéttarfélags, Vlf. Hlífar og Verkalýðs- og sjómannafélags Keflavíkur og nágrennis.
