Á föstudaginn 9. júní undirritaði samninganefnd Eflingar kjarasamning við Samtök fyrirtækja í velferðarþjónustu (SFV) vegna starfa Eflingarfélaga á hjúkrunarheimilum.
Samningurinn fylgir fyrirmynd kjarasamnings við ríkið sem undirritaður var 30. maí, og fylgja honum sömu hækkanir.
Breyting frá fyrri samningi við SFV er að nú nær hann til Heilsustofnunar NLFÍ í Hveragerði.
Áætlað er að rafræn atkvæðagreiðsla um samninginn meðal félagsfólks hefjist á miðvikudaginn 14. júní og standi fram á hádegi þriðjudaginn 20. júní. Settur verður tengill inn í þessa frétt og honum jafnframt deilt í tölvupósti með félagsfólki sem er með skráð netföng hjá félaginu.
Skoða má texta samningsins hér.
Á myndinni sjást samninganefndir Eflingar og SFV við undirritun samnings síðla dags á föstudag.
