Efling virk í norrænu samstarfi ræstingafólks

Dagsetning

8. september 2026

deila

Fulltrúar frá Eflingu tóku þátt í samnorrænni ráðstefnu og trúnaðarmannanámskeiði ræstingafólks í byrjun september í Finnlandi. Ráðstefnan var á vegum SUN, bandalags norrænna stéttarfélaga sem Efling hefur verið félagi í síðan árið 2024. Þar komu saman um 30 trúnaðarmenn og aðrir fulltrúar stéttarfélaga frá Færeyjum, Svíþjóð, Finnlandi og Noregi auk Íslands.


Dagskrá ráðstefnunnar stóð í tvo heila daga og var hún haldin í Gustavelund, hóteli við Tuusula-vatnið skammt norðan við Helsinki. Dagskráin var sett síðdegis föstudaginn 4. september. Fyrri heili dagur ráðstefnunnar, laugardagurinn 5. september, var helgaður þjálfun og fræðslu um skipulagningu á vinnustað. Kjetil Larsen frá norska stéttarfélaginu Fellesforbundet annaðist þann lið.


Seinni heili dagurinn, sunnudagur, hófst með kynningu á ítarlegri samanburðarkönnun á kjarasamningum ræstingafólks á Norðurlöndum. Efling átti veg og vanda af framkvæmd könnunarinnar og flutti Sunna Björg Gunnarsdóttir starfsmaður Eflingar kynninguna. Miklar umræður spunnust um efnið. Deginum lauk með umfjöllun frá Ewu Edström frá sænska stéttarfélaginu Fastighets um vinnuaðstæður ræstingafólks, sem var fylgt eftir með umræðum og spurningum. Dagskrá var reglulega brotin upp með hópefli og samveru, svo sem róðri um Tuusula vatnið, leikjum og sameiginlegum máltíðum. Dagskrá var slitið með ánægjukönnun og kveðjuorðum að morgni mánudags 7. september.


Flestir þátttakendur í ráðstefnunni voru trúnaðarmenn á sínum vinnustöðum. Margir þeirra eru í fullu launuðu starfi sem trúnaðarmenn hjá stærri einkareknum ræstingafyrirtækjum svo sem ISS og SOL. Einnig átti ræstingafólk sem er beinráðið hjá ríki og sveitarfélögum sína fulltrúa á ráðstefnunni, en í Noregi hefur hið opinbera á síðustu árum snúið af braut einkavæðingar í stórum ræstingaverkum, til að mynda hjá hernum, og innvistað þeim í staðinn.


Fundarstjóri ráðstefnunnar var Viðar Þorsteinsson fræðslu- og félagsmálastjóri hjá Eflingu, en hann gegnir formennsku í ræstingahópi SUN. Aðildarfélög að ræstingahópnum auk Eflingar eru Havnar Arbeiðskvinnufelag í Færeyjum, 3F í Danmörku, PAM í Finnlandi og Fastighets í Svíþjóð sem og þrjú stéttarfélög í Noregi: NAF, NTL og Fagforbundet. Öll félögin nema 3F sendu fulltrúa á ráðstefnuna.


Geiraráðstefnur SUN eru vanalega haldnar á tveggja ára fresti og var síðasta ræstingaráðstefnan haldin í Visby á Gotlandi í Svíþjóð. Þess á milli er reglulega fundað í stjórn ræstingahóps SUN og er eitt meginumræðuefnið iðulega staða ræstingafólks í aðildarfélögunum og þróun samfélags og stjórnmála í hverju landi.

Eftir Ísak Jónsson • 19. nóvember 2026
Efling is hosting a film screening for its members on Wednesday, 25 November. The comedy Triangle of Sadness will be shown at Bíó Paradís at 6:45 PM. Triangle of Sadness follows a model couple whose glamorous life leads them onto a luxury cruise for the ultra‑rich, where social status games and absurd elitism dominate. A sudden disaster forces survivors onto a deserted island, stripping away privilege and exposing the fragility of power. The film won the prestigious Palme d'Or at the 2022 Cannes Film Festival. Each ticket costs 500 ISK and includes popcorn and a soft drink or juice. A maximum of five tickets may be purchased per member. You buy the ticket on the Efling my pages here .
Eftir Ísak Jónsson • 19. nóvember 2026
Efling stendur fyrir bíósýningu fyrir félagsmenn sína miðvikudaginn 25. nóvember. Sýnd verður grínmyndin Triangle of Sadness í Bíó Paradís kl. 18:45. Triangle of Sadness fjallar um fyrirsætupar sem lifir glamúrlífi. Þau fara í lúxussiglingu fyrir ofurríka, þar sem félagsleg staða, völd og fáránlegt snobb ráða ríkjum. Þegar skyndilegt áfall verður neyðast eftirlifendur til að bjarga sér á eyðieyju, þar sem forréttindi þeirra missa gildi sitt og brothætt eðli valds og stéttaskiptingar kemur í ljós. Myndin hlaut hinn eftirsótta gullpálma á Cannes kvikmyndahátíðinni árið 2022. Miðinn kostar 500kr. og innifalið er popp og gos eða djús. Hámark 5 miðar fyrir hvern félagsmann. Þú kaupir miðann á mínum eflingar hér .
Eftir Sunna Björg Gunnarsdóttir • 18. nóvember 2026
The December bonus for 2026 is due soon.
Sýna fleiri fréttir