Staðgengill fyrir undirtitil færslunnar þinnar
Staðgengill fyrir efni færslunnar. Þetta er þar sem innihald bloggfærslunnar þinnar fer. Til að bæta við græjum og sérsníða texta og myndir fyrir einstakar færslur, farðu í Stjórna færslum. Þaðan geturðu breytt núverandi færslu eða bætt við nýrri.
Efling stéttarfélag leitar að öflugum sérfræðingi til að sinna starfsmenntamálum félagsins. Um er að ræða nýtt og spennandi starf hjá félaginu en viðkomandi mun vera í lykilhlutverki í að byggja upp þjónustu og umsjón varðandi starfsmenntamál og símenntun félagsfólks.
Helstu verkefni:
- Ráðgjafi félagsins í málum sem snerta allar hliðar starfsmenntamála, símenntunar og fræðslumála.
- Samskipti og samningagerð við fræðsluaðila sem eiga í samstarfi við Eflingu um fagnámskeið og námsbrautir.
- Gæðaeftirlit og þróun á námsframboði.
- Gæðaeftirlit og þróun á fræðslustyrkjum Eflingar og launagreiðenda.
- Seta í starfshópum, stjórnum og nefndum varðandi starfsmenntamál fyrir hönd Eflingar.
- Þátttaka í stefnumótun, samstarfi og þróun er varðar helstu stoðir starfsmenntamála á almenna vinnumarkaðinum, nánar tiltekið: raunfærnimat, hæfnigreiningar, starfaprófílar, námskrár og fagbréf.
- Yfirumsjón með gerð fræðslu- og kynningarefnis fyrir félagsfólk vegna starfsmenntamála.
- Reglulegar kynningar hjá stjórn Eflingar, hjá samstarfsfólki og félagsfólki Eflingar.
Menntunar- og hæfniskröfur:
- Reynsla af starfsmenntamálum, símenntun og/eða skipulögðu fræðslustarfi aðila vinnumarkaðarins.
- Háskólapróf sem nýtist í starfi. Kostur ef á sviði menntavísinda, nánar tiltekið starfsmenntamála, fullorðinsfræðslu eða símenntunar.
- Frumkvæði, metnaður og sjálfstæði í starfi.
- Reynsla af verkefnastjórn er kostur.
- Skipulagshæfni og öguð vinnubrögð.
- Góð samskiptahæfni.
- Góð íslensku- og enskukunnátta í ræðu og riti.
Umsóknarfrestur er til og með 3. desember nk. Sótt er um starfið á www.vinnvinn.is
Umsókn skal fylgja ferilskrá og ítarlegt kynningarbréf á íslensku þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu. Nánari upplýsingar veita Garðar Ó. Ágústsson, (gardar@vinnvinn.is) og Jensína K. Böðvarsdóttir, (jensina@vinnvinn.is) hjá Vinnvinn.
