Námskeiðið er ætlað Eflingarfélögum sem starfa í leikskólum og sinna umönnun, stuðningi og daglegu starfi með börnum.

Á námskeiðinu er lögð áhersla á hagnýta þekkingu sem nýtist í leikskólastarfi. Meðal námsþátta eru samskipti, sjálfsefling, tölvuleikni, uppeldi leikskólabarna, listastarf með börnum, fjölmenningarlegt leikskólastarf og umhverfismennt.

Kennslutímabil: 14. september til 9. nóvember 2026

Fyrirkomulag: Blandað nám, kennt í Höfðabakka 9 og í fjarnámi

Lengd: 70 kennslustundir

Fagnámskeiðin eru haldin í samstarfi Eflingar og Mímis símenntunar og eru undanfari náms í leikskólaliðabrú. Námið er tvískipt og samanstanda Fagnámskeið 1 og 2 af samtals 140 kennslustundum. Þátttakendur þurfa að ljúka fyrra námskeiðinu áður en þeir halda áfram á það seinna.

Námskeiðið er kennt á íslensku. Mímir mælir með því að þátttakendur hafi íslenskukunnáttu á stigi A2 til B1 samkvæmt evrópska tungumálarammanum. Þau sem eru óviss með íslenskukunnáttu sína geta farið í ókeypis stöðupróf hjá Mími áður en þau sækja um.

Námskeiðið er ókeypis fyrir Eflingarfélaga sem starfa hjá opinberum launagreiðendum, þar sem starfsmenntasjóðir Eflingar greiða námskeiðsgjaldið. Við umsókn þarf að setja inn greiðslukóðann efling15 og smella á „Bæta greiðslukóða við umsókn“.

Upplýsingar

Staðsetning: Mímir símenntun, Höfðabakka 9