Námið er ætlað fólki sem starfar við þjónustu og stuðning við fólk með fötlun og hefur ekki lokið formlegu námi á framhaldsskólastigi. Það getur einnig hentað starfsfólki sem vinnur með öldruðu eða veiku fólki eða börnum og ungmennum sem þurfa stuðning.

Markmið námsins er að auka skilning á aðstæðum og þörfum fólks með fötlun og styrkja þátttakendur í starfi. Fjallað verður meðal annars um:

• velferðarþjónustu og ólíkar hugmyndir um fötlun,
• mismunandi fatlanir og þjónustuþarfir,
• mannréttindi og siðfræði,
• heilsu, geðraskanir og lyf,
• samskipti og samvinnu,
• áföll og áhrif þeirra,
• faglega þjónustu sem tekur mið af þörfum hvers einstaklings.

Námið er 324 klukkustundir og hægt er að meta það til allt að 16 eininga á framhaldsskólastigi. Kennt er á Teams á mánudögum og miðvikudögum kl. 17:00 til 20:30. Auk þess mæta þátttakendur í staðlotu einn laugardag í mánuði hjá MSS í Krossmóa 4a í Reykjanesbæ.

Námsmatið byggist á verkefnum, mætingu og virkri þátttöku. Engin lokapróf eru í náminu. Hægt er að horfa síðar á upptökur af kennslustundum, en þá þarf að skila ígrundun og verkefnum sem tengjast efni tímans.

Námið fer fram á íslensku.

Efling greiðir námskeiðsgjaldið að fullu fyrir félagsfólk sem starfar í greininni, uppfyllir inntökuskilyrði námsins og á fullan rétt í starfsmenntasjóði. Skráning er ekki staðfest fyrr en réttur félagsmanns til greiðslu hefur verið kannaður.

Kennslutímabil: 2. nóvember 2026 til 25. febrúar 2027

Lengd: 324 klukkustundir

Fræðsluaðili: Miðstöð símenntunar á Suðurnesjum

Staðsetning: Teams og MSS, Krossmóa 4a, Reykjanesbæ

Upplýsingar

Miðstöð símenntunar á Suðurnesjum

Klukkan 17:00 - 20:30