Efling býður foreldrum sem eiga von á barni upp á námskeið þar sem farið verður yfir þær breytingar sem vitað er að bíður þeirra með tilkomu barns.
Á námskeiðinu verður meðal annars fjallað um:
- Að efla tilfinninga- og streitustjórnun
- Mikilvægi góðra og öruggra tengsla í fjölskyldunni
- Að efla nánd í parasambandinu
- Að vita hvert hægt sé að leita eftir stuðningi fyrstu árin
Námskeiðið er fyrir barnshafandi pör sem eiga von á sínu fyrsta barni saman og verður annað þeirra að vera greiðandi félagsmaður í Eflingu stéttarfélagi.
Námskeiðið er kennt á íslensku og ensku með textatúlkun á milli þessara tungumála og tvítyngdum glærum.
Heppilegur tími fyrir þátttöku er hvenær sem er á meðgöngu. Í lok seinni tímans verða pör leist út með óvæntum glaðningi.
Námskeiðið verður haldið í tvennu lagi laugardagana 29. mars og 12. apríl frá kl 10:00 – 15:30.
Námskeiðið fer fram í Fosshoteli Reykjavík við Þórunnartún 1. Í salnum Gullfossi B 29. mars og salnum Háafossi 12. apríl.
Boðið verður upp á morgun- og hádegis hressingu. Námskeiðsgjald er 2.500 kr. og annað foreldrið þarf að vera greiðandi félagsmaður í Eflingu.
Umsjón með námskeiðinu hafa:
Ólafur Grétar Gunnarsson, fjölskyldu- og hjónaráðgjafi
Gottman Bringing Baby Home & Seven Principles leiðbeinandi
Undanfarna áratugi hefur Ólafur Grétar sérhæft sig í fræðslu og ráðgjöf fyrir pör í barneignarferli. Einnig hefur hann sinnt fræðslu fyrir verðandi feður hjá Geðheilsumiðstöð barna og hjá Fæðingarheimili Reykjavíkur og greinarskrifum, m.a. fyrir Tímarit Geðverndarfélags Íslands. Áður hafði hann unnið á leikskólum erlendis og hérlendis. Ólafur er með stofu í Samskiptastöðinni, Skeifunni 11, Reykjavík.
Margrét Gunnarsdóttir, sálmeðferðarfræðingur MSc og geðsjúkraþjálfari
Sérfræðingur í tengslaeflandi meðferð og áfallameðferð
Margrét vann lengi sem sjúkraþjálfari en bætti síðan við sig námi í sálrænni meðferð með áherslu á tengsla- og áfallameðferð. Hún hefur unnið á eigin stofu undanfarin ár, bæði með einstaklingum og hópum ásamt því að halda námskeið og sinna kennslu. Um tíma vann hún á Miðstöð foreldra og barna (nú Geðheilsumiðstöð barna HH) og sinnti þar sérhæfðri ráðgjöf fyrir verðandi foreldra og foreldra barna á fyrsta ári. Margrét er nú með stofu í Grænuhlíð- fjölskyldumiðstöð, Sundagörðum 2, Reykjavík.
Ásamt Írisi Dögg Jóhannesdóttur aðst. leikskólastjóra og HighScope kennara
