Athugið: Uppselt er á Fjölskylduskemmtun Eflingar í Hvalasafninu. Sækja verður keypta miða á skrifstofu Eflingar í síðasta lagi miðvikudaginn 30. apríl þar sem skrifstofa Eflingar er lokuð fimmtudaginn 1. maí.
Á baráttudegi verkalýðsins, þann 1. maí fer ganga frá Skólavörðuholti og niður á Ingólfstorg þar sem haldinn verður útifundur. Að því loknu mun Efling stéttarfélag blása til heljarinnar fjölskylduhátíðar í Hvalasafninu fyrir félagsfólk Eflingar og fjölskyldur þeirra.
Ganga og útifundur:
13:00 Safnast saman á Skólavörðuholti.
13:30 Gangan hefst og fer niður Skólavörðustíg, Bankastræti og Austurstræti að Ingólfstorgi. Lúðrasveit verkalýðsins og Lúðrasveitin Svanur spila á Skólavörðuholti og síðan í göngunni niður á Ingólfstorg.
14:00 Útifundur hefst á Ingólfstorgi.
- Fundarstýra er Kolbrún Dögg Kristjánsdóttir sviðshöfundur og listakona og Margrét Pétursdóttir mun táknmálstúlka. Dagskráin verður jafnframt textatúlkuð á ensku.
- Ræðu flytja Karla Esperanza Barralaga Ocón starfskona í umönnun, trúnaðarmaður og stjórnarmaður í Eflingu og Jóhanna Bárðardóttir rafveituvirki, rafvirki og trúnaðarmaður RSÍ.
- Mammaðín og Una Torfa munu taka lagið og í lok fundarins verður samsöngur.
Fjölskylduskemmtun Eflingar í Hvalasafninu:
15:00-17:00 Fjölskylduhátíð Eflingar í Hvalasafninu/Whales of Iceland í Fiskislóð 23-25, 101 Reykjavík.
Í boði verður:
- Pizzuvagn, hamborgaravagn, DonsDonuts kleinuhringjavagn 🍕🍔🍩
- Ísvagn 🍧
- Kandífloss og popp 🍭🍿
- Kaffi og kökur ☕ 🧁
- Dj Sunna Ben verður á staðnum 🎶🪩
- Lúðrasveit kemur og spilar🎺🥁
- Börn geta fengið andlitsmálningu 🤩
- Sirkus bregður á leik 🎪🤡
- Myndabás (photo booth) 📸
- …og fleira!
Miðinn á fjölskylduskemmtunina kostar aðeins 500 kr og allt er innifalið í verði. Hver Eflingarfélagi getur keypt allt að fimm miða. Miðasala fer fram á vefverslun Eflingar á Mínum Síðum.
Athugið: Uppselt er á Fjölskylduskemmtun Eflingar í Hvalasafninu. Sækja verður keypta miða fyrir Fjölskylduskemmtun Eflingar í Hvalasafninu á skrifstofu Eflingar í síðasta lagi 30. apríl.
