Kótilettukvöld öryggisvarða, 17. nóvember 2026

Efling heldur kótilettukvöld fyrir félagsmenn hjá öryggisfyrirtækjum þann 17. nóvember. Dagskrá kvöldsins verður blanda af gríni, gítar, góðum mat og norrænni verkalýðsbaráttu. Veislustjórn verður í höndum Sólveigar Önnu Jónsdóttur, formanns Eflingar. Uppistandarinn Andri Ívars sér um grínið og mun leika ljúfa tóna á gítar af sinni alkunnu snilld.

Góðir gestir segja frá störfum og kjarabaráttu öryggisvarða í Noregi

Stian Tveitan er aðaltrúnaðarmaður Norsk Arbeidsmandsforbund hjá Securitas í Noregi og situr jafnframt í stjórn fyrirtækisins fyrir hönd starfsmanna. Til viðbótar við þetta er hann formaður evrópska samstarfsráðsins hjá Securitas sem kemur fram fyrir hönd starfsfólks Securitas í þeim löndum ESB og EES þar sem fyrirtækið starfar. Stian mun ræða um þátttöku sína í kjarabaráttu öryggisvarða og hvað hefur áunnist á undanförnum árum í Noregi.

Frank Aamo starfar sem öryggisvörður á flugvellinum í Þrándheimi og er jafnframt aðaltrúnaðarmaður Norsk Arbeidsmandsforbund hjá Avarn Security í Noregi. Avarn er ásamt Securitas annað af tveimur stærstu öryggisfyrirtækjunum þar í landi. Frank mun segja frá störfum sínum sem aðaltrúnaðarmaður og því mikilvæga hlutverki sem virkir félagsmenn gegna í kjarasamningsgerð við stór fyrirtæki eins og Avarn.

Matseðill

Dásamlegar lambakótilettur með öllu tilheyrandi meðlæti og marenstertu með berjum í eftirrétt.

Miðasala í fullum gangi!

Miðasala er á Mínum síðum Eflingar undir flipanum vefverslun.

Miðinn kostar 1500 kr.

Hámark 2 miðar fyrir hvern félagsmann. Tilvalið að bjóða vinnufélaga.

Hvenær: 17. nóvember 2026, kl. 18. (Húsið opnar 17:30)
Hvar: Félagsheimili Eflingar, 4. hæð, Guðrúnartúni 1.