Sendinefnd frá Eflingu tók þátt í samnorrænni ráðstefnu stéttarfélaga öryggisvarða í Korpilampi í Finnlandi dagana 14.-17. september síðastliðinn. Á ráðstefnunni komu saman félagsmenn, trúnaðarmenn, starfsmenn og forystufólk úr félögunum, en þau eru öll aðilar að bandalaginu SUN. Geiraráðstefnur af þessu tagi eru haldnar annað hvert ár og skiptast aðildarfélögin á að hýsa þær. Dagskrá hófst eftir hádegi á mánudegi með setningu og svokölluðum landsskýrslum, þar sem fulltrúar hvers félags fóru yfir stöðu efnahagsmála, kjaramála og stjórnmála í sínu landi. Á þriðjudeginum hófst dagskráin með kynningu á ítarlegri samanburðarkönnun á kjarasamningum öryggisvarða á Norðurlöndum. Efling átti veg og vanda af framkvæmd könnunarinnar, og var það starfsmaður Eflingar Eleonora Maximciuc sem flutti kynninguna. Sama dag var einnig fjallað um tækniþróun í öryggisvörslugeiranum, þar á meðal notkun gervigreindar, auk þess sem þrír norrænir fræðimenn sem starfa við rannsóknir tengdar málefnum geirans fluttu erindi. Viðar Þorsteinsson sviðsstjóri fræðslu- og félagsmála hjá Eflingu stýrði pallborðsumræðum með fyrirlesurunum. Á miðvikudeginum hófst dagskrá með kynningu frá Adam Fishwick, aðjúnkt við stjórnmálafræðideild Háskóla Íslands, þar sem hann sagði frá rannsóknum sínum á endurnýjun stéttarfélaga (union renewal) en í rannsóknarverkefninu beinir hann sjónum sérstaklega að Eflingu. Að því búnu flutti Mark Bergfeld frá UNI Europa erindi í gegnum fjarfundabúnað um hagsmunagæslu öryggisvarða á Evrópuvettvangi. Síðdegis var farið í skoðunarferð um hið sögufræga virki Svíaborg (Sveaborg – Suomenlinna) rétt utan við Helsinki. Dagskrá lauk fyrir hádegi á fimmtudegi með umfjöllun um skipulagið á þjálfun og vottun öryggisvarða á Norðurlöndum, þar sem hvert og eitt félag flutti ítarlega kynningu um þær kröfur sem gerðar eru um starfsþjálfun stéttarinnar í viðkomandi landi. Viðar Þorsteinsson og Sigrún Björg Guðmundsdóttir starfsmenntafulltrúi hjá Eflingu fluttu kynningu fyrir hönd Eflingar og tóku þátt í umræðum. Í umfjöllun ráðstefnunnar um starfsmenntamál kom berlega í ljós hversu langt á undan Íslandi hinar Norðurlandaþjóðirnar eru í þeim málaflokki þegar kemur að störfum öryggisvarða. Á öllum Norðurlöndunum utan Íslands eru gerðar kröfur til öryggisvarða um tiltekna þjálfun og menntun, sem yfirleitt er að finna í lögum. Þá hafa aðilar vinnumarkaðarins unnið náið saman að útfærslu námsbrauta og viðurkenningar á þjálfun. Einna lengst hefur verið gengið í Svíþjóð, þar sem stéttarfélagið Transport hefur ásamt samtökum öryggisvarðafyrirtækja sett á fót öfluga stofnun, BYA, sem heldur utan um öll starfsmennamál og önnur fagleg mál geirans. Fjöldi tækifæra gafst til samskipta og tenglamyndunar í hléum, sameiginlegum máltíðum og annarri óformlegri samveru. Óhætt er að segja að starfsmenn og forysta Eflingar hafi snúið heim af ráðstefnunni klyfjuð af fróðleik, samböndum og gagnlegum upplýsingum um fyrirmyndir þegar kemur að starfsþróunarmálum í öryggisvarðageiranum. Næsta verkefni félagsins er að byggja á þessari vinnu í samtölum við öryggisverði sjálfa, fyrirtæki þeirra, fræðsluaðila og hið opinbera. Sendinefnd Eflingar á ráðstefnunni var skipuð eftirtöldum: Atli Antonsson, verkefnisstjóri í félagsmálum Eleonora Maximciuc, ráðgjafi í vinnuréttindum Sigrún Björg Guðmundsdóttir, starfsmenntafulltrúi Viðar Þorsteinsson, sviðsstjóri fræðslu- og félagsmálasviðs Þórir Jóhannesson, varaformaður Eflingar og trúnaðarmaður hafnarverkamanna hjá Samskip Félögin sem áttu fulltrúa á ráðstefnunni til viðbótar við Eflingu voru þessi: Norsk arbeidsmandsforbund (NAF) frá Noregi. Félagið gerir einnig kjarasamninga fyrir ræstingafólk og hefur Efling einnig átt samstarf við ræstingadeild félagsins á vettvangi SUN. VSL frá Danmörku. Félagið semur eingöngu fyrir öryggisverði og er eina slíka félagið á Norðurlöndunum. PAM frá Finnlandi. Líkt og NAF semur PAM einnig fyrir ræstingafólk og er aðili að ræstingadeild SUN. Transportarbetareförbundet frá Svíþjóð, í daglegu tali kallað Transport. Félagið gerir kjarasamninga fyrir vörubílstjóra, hafnarverkamenn og fleiri stéttir í samgöngugeiranum.
Sebastian Wójcik’s photograph of an Arctic fox, taken at Hesteyri in the Jökulfirðir fjords, has been named the winning photograph in Efling’s 2026 photography competition. The photograph shows the fox standing thoughtfully on the shore at Hesteyri, just a short distance from the photographer, with what appears to be a faint smile on its face as it gazes at Sebastian with its yellow eyes. The theme of this year’s competition, as in previous years, was summer holiday in Iceland. The standard of the photographs submitted was exceptionally high, and the subjects were varied. Wildlife and Iceland’s natural beauty were particularly prominent themes, which is hardly surprising given the country’s spectacular landscapes and its beautiful flora and fauna. Dozens of photographs were submitted by Efling members, making the judges’ task far from easy. As a result, the jury decided to award a prize for fourth place as well. Normally, prizes are awarded only for the top three entries. The winners receive cash prizes: ISK 50,000 for first place and ISK 25,000 for second through fourth place. The jury’s results are as follows: place: Sebastian Wójcik, Smiling Arcitic Fox , taken at Hesteyri place: Paweł Cieślikiewicz, Hunting Kría , taken at Jökulsárlón place: Karolina Zyzik, Shades of Icelandic Green, taken in Þórsmörk place: Mark Stache, Horses and Flowers In addition to the winning photographs, a number of photographs that received special commendations from the jury can be seen below. Some of these photographs will be displayed in Efling’s holiday houses, where members will be able to enjoy them. Efling warmly congratulates the winners and thanks everyone who took part in the competition.
Mynd Sebastians Wójcik af tófu, tekin á Hesteyri í Jökulfjörðum, er mynd ársins í ljósmyndasamkeppni Eflingar árið 2026. Myndin sýnir tófuna, í miklu návígi við ljósmyndarann, standa íhugula og hálf glottandi í fjörunni á Hesteyri, starandi á Sebastian með gulleitum glyrnum sínum. Þema keppninnar í ár, sem og fyrri ár, var frí innanlands. Gæði myndanna sem bárust voru afar mikil og viðfangsefnin margþætt. Þó má segja dýralíf og náttúrufegurð hafi verið mest áberandi þráðurinn, og það ekki að ósekju enda Ísland stórbrotið og bæði flóra landsins og fána fagrar. Tugir mynda bárust frá félögum í Eflingu og var val dómnefndar síður en svo auðvelt. Af þeim sökum varð niðurstaða dómnefndar að lokum að veita einnig verðlaun fyrir 4. sæti en alla jafna hafa bara verið veitt verðlaun fyrir þrjú efstu sætin. Veitt eru peningaverðlaun til verðlaunahafa, 50 þúsund krónur fyrir fyrsta sæti en 25 þúsund krónur fyrir sæti 2.-4. Niðurstaða dómnefndar er eftirfarandi: sæti: Sebastian Wójcik. Brosandi tófa , tekin á Hesteyri sæti: Paweł Cieślikiewicz. Kría á veiðum , tekin í Jökulsárlóni sæti: Karolina Zyzik. Blæbrigði hins græna Íslands , tekin í Þórsmörk sæti: Mark Stache. Hestar og blóm . Auk vinningsmyndanna má sjá hér að neðan fjölda mynda sem fengu sérstakar heiðurstilnefningar frá dómnefnd. Hluti myndanna verður hengdur upp í orlofshúsum Eflingar þar sem félagsfólk fær að njóta þeirra. Efling óskar vinningshöfum innilega til hamingju og þakkar öllum sem tóku þátt í keppninni.
