Stjórnvöld hafa lagt fram frumvarp um hömlur á hækkanir leigu, bæði fyrir íbúðarhúsnæði og atvinnuhúsnæði. Frumvarpið markar tímamót í reglun leigumarkaðarins á Íslandi sem hefur verið í algjörum ólestri, með óhóflegum hækkunum og miklu óöryggi leigjenda. Efling hefur lengi barist fyrir innleiðingu á leigubremsu og lagði stjórn Eflingar útfærðar tillögur fyrir stjórnvöld síðastliðið vor. Hið nýja frumvarp kemur að verulegu leyti til móts við þær tillögur Eflingar. Helstu nýmælin eru eftirfarandi: Mánaðarlegar hækkanir eru bannaðar. Minnst 12 mánuðir þurfa að líða milli hækkana, sem þurfa að vera samningsbundnar. Árlegar hækkanir mega ekki verða meiri en hækkun verðlagsvísitölunnar, en leiga íbúðarhúsnæðis hefur hækkað mjög langt umfram almennt verðlag hér á landi á síðustu 10-15 árum. Þannig eru settar hömlur á einn af stærstu drifkröftum verðbólgunnar. Sett eru viðmið um svigrúm til hækkana á leigu við upphaf og endurnýjun leigusamninga og tekið fyrir margþættar verðhækkanir á sama tíma. Birtar verða reglulega viðmiðunartölur um markaðsverð á leigu eftir gerðum húsnæðis og staðsetningu sem verða leiðbeinandi við samninga um leiguverð. Öryggi og neytendavernd leigjenda verða efld. Efling hefði viljað ganga enn lengra, t.d. með því að miða þak á árlegar hækkanir leigu við verðlagsvísitölu án húsnæðisliðarins, sem hefði hægt meira á verðbólgunni, en frumvarpið miðar við almenna vísitölu neysluverðs. Þakið verður samt afar mikilvægt því leiga hefur hækkað langt umfram almennt verðlag á síðustu 10-15 árum. Með frumvarpinu er í senn bættur hagur leigjenda svo um munar og um leið eru settar hömlur á mikilvægan þátt sem hefur magnað upp verðbólguna hér á landi á síðustu árum. Mikilvægt er að frumvarpið fái skjóta afgreiðslu og komi til framkvæmda sem fyrst.
The Food and Culture festival took place at Efling’s community centre on Sunday, September 27, for the fourth time. Efling members invited guests to discover the food traditions of their home countries. A wide variety of dishes prepared by members gave guests the chance to travel around the world through food. These included Filipino-style whole roast pig, Vietnamese spring rolls, Honduran seafood soup and many other dishes. The festival was well attended, with a lively and welcoming atmosphere as Efling members, their families and guests came together to taste food from different countries and learn about the cultures represented within Efling. Efling was honoured to welcome the President of Iceland, Halla Tómasdóttir, and her husband, Björn Skúlason. Food and Culture celebrates the rich diversity of Efling’s membership, and their visit was a valuable opportunity for members to share their cultures, traditions and cuisine with the presidential couple.
Hátíðin Matur og menning fór fram í félagsheimili Eflingar sunnudaginn 27. september í fjórða sinn, þar sem félagsfólk Eflingar bauð gestum að kynnast matarmenningu frá sínum upprunalöndum. Á boðstólum var fjölbreytt úrval rétta sem félagsfólk hafði útbúið og gestir fengu tækifæri til að ferðast um heiminn með bragðlaukunum. Þar má meðal annars nefna heilsteikt svín að filippseyskum hætti, vorrúllur frá Víetnam, sjávarréttasúpu frá Hondúras, auk fjölmargra annarra rétta. Hátíðin var vel sótt og skapaðist lífleg og ánægjuleg stemning þegar Eflingarfélagar og fjölskyldur þeirra og gestir komu saman til smakka mat frá ólíkum löndum og kynnast menningu félagsfólks Eflingar.. Það var Eflingu mikill heiður að taka á móti frábærum gestum, forseta Íslands, frú Höllu Tómasdóttur, og eiginmanni hennar, Birni Skúlasyni. Matur og menning er hátíð sem fagnar þeim mikla fjölbreytileika sem einkennir félagsmannahóp Eflingar og það var dýrmætt tækifæri fyrir Eflingu að fá að kynna menningu, hefðir og matagerð félagsfólks fyrir forsetahjónunum.
