Stjórn Eflingar stéttarfélags hefur ákveðið að styrkja Matthildi, samtök um skaðaminnkun, um 1,7 milljónir króna. Matthildarsamtökin voru stofnuð árið 2022 og leggja áherslu á skaðaminnkandi þjónustu á fyrri stigum vímuefnavanda. Markmið skaðaminnkunnar er að aðstoða fólk við að halda lífi, að vernda heilsu þess, líkamlega og sálræna, og að styrkja það í öllum litlum skrefum í átt að jákvæðum breytingum. Matthildarsamtökin halda úti skaðaminnkandi þjónustinni Reyk. Þjónustan er öllum að kostnaðarlausu og lögð er sérstök áhersla á að ná til fólks á fyrri stigum vímuefnavanda, í því skyni að fyrirbyggja alvarlegri þróun vandans og ótímabær dauðsföll. Á tímabilinu 4. febrúar 2025 til 31. janúar 2026 hefur Reykur veitt 235 einstaklingum þjónustu í 1.100 skipti. Þar af eru 25 prósent skjólstæðinga starfandi á vinnumarkaði, og er hluti þeirra félagsmenn Eflingar. Þessir einstaklingar glíma við vímuefnavanda og einnig við fátækt og erfiðar félagslegar aðstæður. Stöðug aukning ópíóðavanda hefur orðið síðustu nærfellt fimmtán árin. Þá hefur vandi vegna kókaínneyslu, crack- og metamfetamín reykinga aukist jafnt og þétt síðasta áratug. Mjög mikilvægt er að veita hópnum sem á í þessum vanda skaðaminnkandi þjónustu og stuðning í bata. Reykur þjónustan er fyrir marga fyrsti snertipunkturinn að aðstoð og veitir skjólstæðingum mikinn stuðning, eftirfylgni og tengingu inn í félags- og heilbrigðisþjónustu. Matthildarsamtökin hafa aðstoðað marga í vímuefnameðferðir, ópíóíðalyfjameðferð og að fá viðeigandi félagslega þjónustu. Þar með ná samtökin að stuðlað að því að einstaklingar komast í bata og geti haldið húsnæði, geðheils og áfram vinnu.
Stjórn Eflingar stéttarfélags samþykkti á fundi sínum 13. maí stuðningsyfirlýsingu við verkfallsaðgerðir norskra félaga í ræstingageiranum innan systurfélagsins Norsk Arbeidsmandsforbund. Í yfirlýsingunni eru kollegum í Noregi sendar baráttu- og samstöðukveðjur. Yfirlýsingin fer hér að neðan. Stjórn Eflingar sendir baráttukveðjur og lýsir yfir fullum stuðningi við verkfallsaðgerðir starfsfólks í norska ræstingargeiranum undir forystu systurfélags okkar NAF. Félagsfólk Eflingar þekkir það hugrekki og þá miklu vinnu sem þarf til að skipuleggja árangursríkt verkfall. Stjórnin er einnig vel meðvituð um nauðsyn þess að bæta kjör og aðstæður starfsfólks í ræstingargeiranum á heimsvísu, þar á meðal á Íslandi og í Noregi. Efling trúir á mátt samstöðunnar og óskar samverkafólki í Noregi sem bests árangurs í baráttu sinni. Norsk versjon Efling uttrykker støtte til norske kolleger i streik Styret i Efling fagforening vedtok på sitt møte 13. mai en støtteerklæring til streikeaksjonene blant norske kolleger i rengjøringsbransjen innenfor søsterforbundet Norsk Arbeidsmandsforbund. I erklæringen sendes kamp- og solidaritetshilsener til kollegene i Norge. Erklæringen følger nedenfor. Styret i Efling sender en hilsen om full solidaritet med de streikende arbeiderne i den norske rengjøringsbransjen, ledet av vårt søsterforbund NAF. Medlemmene i Efling vet hvilket mot og hardt arbeid som kreves for å organisere en vellykket streik. Styret er også klar over behovet for å forbedre vilkår og betingelser for arbeidere i rengjøringsbransjen globalt, inkludert på Island og i Norge. Efling tror på kraften i kollektiv handling og ønsker våre kolleger i Norge størst mulig seier i deres kamp.
Stefán Ólafsson skrifar: Seðlabankinn er að kæla hagkerfið, í von um að ná niður verðbólgu. Það gerir hann með því að halda uppi háu vaxtastigi, sem bitnar á skuldugum heimilum og fyrirtækjum. Það vinnur hins vegar ekki á erlendum verðhækkunum, né á verðbólgu vegna hækkunar á húsnæðiskostnaði, né á eftirspurnarþenslu skuldlítilla og tekjuhárra einstaklinga og fyrirtækja, né á þenslu vegna einkaneyslu mikils fjölda ferðamanna. Þessi úrræði Seðlabankans hafa enda sýnt sig að skila einungis takmörkuðum árangri og eru að auki einstaklega óréttlát í dreifingu byrða. En aðferð Seðlabankans kælir vissulega efnahagslífið, hún slekkur næstum á hagvextinum og eykur atvinnuleysi. Það er kostnaðurinn við beitingu hávaxtastefnunnar. Nýlega birti greiningardeild Landbanka Íslands hagspá sína fyrir árin 2026 til 2028 þar sem gert er ráð fyrir hagvexti upp á einungis 1,6 til 1,8% á næstu þremur árum. Það er minna en áætlaður vöxtur fólksfjöldans í landinu, skv. spá Hagstofunnar. Hagvöxtur á mann verður þannig neikvæður. Þetta þýðir í reynd, að hagkerfið er komið í stöðnun sem búast má við að haldi áfram a.m.k. til 2028. Þetta má sjá á myndinni hér að neðan, sem sýnir hagvöxt á mann.
