Efling stéttarfélag óskar félagskonum sínum og öllum konum á landinu til hamingju með kvenréttindadaginn. Í dag, 19. júní, eru 111 ár liðin frá því að íslenskar konur, 40 ára og eldri, fengu kosningarétt og kjörgengi til Alþingis. Árið 1920, með upptöku nýrrar stjórnarskrár, lækkuðu aldursmörkin í 25 ára aldur. Kvenréttindadagurinn er hátíðisdagur, en ekki síst er hann baráttudagur. Staðan er sú að á íslenskum vinnumarkaði er fjarri því komið á jafnrétti meðal kynjanna. Þetta hafa Eflingarkonur reynt á eigin skinni. Samkvæmt niðurstöðum úr könnunum Vörðu-Rannsóknarstofnunar vinnumarkaðarins búa Eflingarkonur við hvað erfiðasta stöðu á íslenskum vinnumarkaði. Stór hluti þeirra á erfitt með að ná endum saman, andleg heilsa um helmings þeirra er slök og yfir helmingur þeirra stefnir í kulnun. Við þetta verður ekki búið. Eflingarkonur, og aðrar verkakonur, halda íslensku samfélagi gangandi. Það eru þær sem knýja áfram hjól atvinnulífsins, sem sinna börnum, öldruðum og sjúkum. Þær eiga skilið virðingu og mannsæmandi kjör, og þær eiga skilið að verða metnar að verðleikum. Sú er krafa Eflingar á kvenréttindadaginn, sem og alla aðra daga. Gleðilegan kvenréttindadag.
Efling Union wishes its members and everyone in Iceland a happy National Day on 17 June. Efling would like to remind members who are working today that 17 June is a public holiday classified as a major holiday under collective agreements, and work performed today must be paid at the applicable major holiday rate. Efling also encourages its Icelandic members to make their international colleagues aware of this entitlement. Our work creates the value!
Efling stéttarfélag óskar félagsfólki sínu og landsmönnum öllum gleðilegs þjóðhátíðardags, 17. júní. Efling vill minna félagsmenn sína sem eru við vinnu í dag á að 17. júní er stórhátíðardagur og skal greiða laun fyrir vinnu í dag með stórhátíðarálagi. Þá hvetur Efling íslenska félagsmenn sína til að vekja athygli erlendra félaga sinna á því einnig. Okkar vinna skapar verðmætin!
