Skrifstofa Eflingar opnar síðar en venjulega föstudaginn 28. mars, vegna starfsmannafundar. Skrifstofan opnar klukkan 10:00 þann dag. Efling biðst velvirðingar á þeim óþægindum sem þetta kann að valda.
Aðalfundur Eflingar – stéttarfélags 2026 verður haldinn fimmtudaginn 26. mars klukkan 18:00 á Hótel Hilton Reykjavík Nordica, Suðurlandsbraut 2. Húsið opnar kl 17:30. Á dagskrá eru hefðbundin aðalfundarstörf. Dagskrá: 1. Skýrsla stjórnar 2. Endurskoðaðir reikningar félagsins lagðir fram til afgreiðslu 3. Lýst kjöri stjórnar, trúnaðarráðs og stjórna sjóða 4. Lagabreytingar 5. Önnur mál Boðið verður upp á léttar veitingar. Athygli er vakin á því að aðeins fullgildir Eflingarfélagar hafa setu- og atkvæðisrétt á fundinum. Ekki er þörf á að skrá sig fyrirfram og eru allir Eflingarfélagar hvattir til að mæta!
Þann 1. apríl munu laun Eflingarfélaga sem starfa hjá Reykjavíkurborg, ríkinu, Sambandi íslenskra sveitarfélaga og hjúkrunarheimilum (SFV) hækka samkvæmt kjarasamningum. Launahækkunin kemur til útborgunar 1. maí næstkomandi. Eflingarfélögum er bent á að fara vel yfir launaseðla sína og tryggja að launahækkanir hafi skilað sér. Ef meinbugir eru þar á er mikilvægt að gera atvinnurekanda þegar viðvart og fara fram á tafarlausa leiðréttingu. Starfsfólk Eflingar er boðið og búið til að aðstoða félaga ef þörf krefur í þessum efnum. Starfsfólk hjá Reykjavíkurborg : Föst mánaðarlaun fyrir dagvinnu skulu hækka um 3,5%, en þó aldrei minna en um 23.750 krónur, nema að annað leiði af launatöflum sem fylgja kjarasamningi. Kjaratengdir liðir kjarasamningsins hækka um 3,5%, nema að um annað hafi verið samið. Sjá launatöflu starfsfólks Reykjavíkurborgar Starfsfólk hjá ríkinu: Föst mánaðarlaun fyrir dagvinnu skulu hækka um 3,5%, en þó aldrei minna en um 23.750 krónur, nema að annað leiði af launatöflum sem fylgja kjarasamningi. Kjaratengdir liðir kjarasamningsins hækka um 3,5%, nema að um annað hafi verið samið. Sjá launatöflu starfsfólks ríkisins Starfsfólk hjá íslenskum sveitarfélögum : Föst mánaðarlaun fyrir dagvinnu skulu hækka um 3,5%, en þó aldrei minna en um 23.750 krónur, nema að annað leiði af launatöflum sem fylgja kjarasamningi. Kjaratengdir liðir kjarasamningsins hækka um 3,5%, nema að um annað hafi verið samið. Sjá launatöflu starfsfólks íslenskra sveitarfélaga Starfsfólk hjá hjúkrunarheimilum (SFV): Föst mánaðarlaun fyrir dagvinnu skulu hækka um 3,5%, en þó aldrei minna en um 23.750 krónur, nema að annað leiði af launatöflum sem fylgja kjarasamningi. Kjaratengdir liðir kjarasamningsins hækka um 3,5%, nema að um annað hafi verið samið. Sjá launatöflu starfsfólks hjúkrunarheimila (SFV)
